F’‘il-Fjur’ għall-ewwel darba!

Dil-ġimgħa, b’konnessjoni mal-wirja li ġiet organizzata mis-Sezzjoni Żgħażagħ tal-Ġilju, ġie mqassam il-ktejjeb il-Fjur nru 23. Did-darba kelli x-xorti naqsam mal-partitarji tal-Ġilju ħsieb fuq is-sehem tal-Madonna fit-tbatijiet ta’ Kristu. Kien artiklu li veru ħadt gost niktbu u li s’issa għoġob lil kull min qrah u kellimni! J’Alla jkompli jgħin lil kull min jaqrah jifhem aktar is-sehem li kellha Ommna Marija fil-fidwa tagħna.
Grazzi ħbieb (b’mod partikulari lil Marvin), talli għoġobkom taċċettaw dan l-artiklu – nittama li jkollna ċans nerġgħu nikkollaboraw flimkien aktar ‘il quddiem.

L-ewwel żjara ta’ l-Arċisqof Pawlu Cremona OP fl-Imqabba

Nhar it-28 ta’ Marzu, l-Erbgħa ta’ qabel id-Duluri, jibqa’ mfakkar b’ittri tad-deheb fl-istorja ta’ l-Imqabba, ir-raħal tal-Madonna. B’inizjattiva tas-Sezzjoni Żgħażagħ Santa Marija u mbagħad bil-kollaborazzjoni tal-kappillan u tas-Soċjetà Mużikali Madonna tal-Ġilju, saret l-ewwel żjara mill-E.T. Mons. Arċisqof Pawlu Cremona OP fl-Imqabba.

Wasalt il-knisja f’xil-16:45 u armajt il-kamera biex ikollna tifkira ta’ dan l-avveniment storiku. Wara ftit, fuq ordni tal-Pro-Vigarju, kelli niġri ġirja sad-dar biex inġib is-suttana u l-ispillizza (ovvjament b’naqra bizzilla!) biex inżomm l-asperġes. Imma kif jekk ikun hemm kanna biex tinbela', qisha tkun ippreparata għalija?

Huwa wasal fil-pjazza fis-17:40 – il-knisja kienet ilha ppakkjata mill-17:15. L-unika darba li niftakar li kien hemm aktar nies kien fil-lettorat tagħna f’Mejju li għadda. Hekk kif wasal ċorma tfal marru għal fuqu għall-firma. Wara għamel l-ewwel daħla tiegħu fil-knisja parrokkjali ta’ Santa Marija Assunta. Meta kulħadd poġġa kulħadd, il-pro-V għażel li jpoġġi fuq is-siġġu tiegħi (ejj' oqgħod, Pro-V) u għalhekk kelli nagħmel iċ-ċelebrazzjoni kollha bil-wieqfa. (Tkellimna fuq kanen riservati għalija?)

Il-kappillan għamel diskors qasir ta’ merħba u qallu fil-qosor l-istorja tar-raħal tagħna. Wara nqara l-evanġelju u mbagħad l-Arċisqof tana messaġġ qasir, imma mgħobbi bil-ħsieb: ippreżentalna lil Marija Addolorata bħala l-mudell tagħna “Il-Madonna, liema qima għanda lejha, hi xinhi, it-togħma tagħha tkun il-Madonna tad-duluri […] il-Madonna taħt is-salib tgħid ‘Mulej, jiena noffri lili nniffsi.’ Il-Madonna taħt is-salib tisma’ lil binha jgħid ‘Mulej aħfrilhom għax ma jafux xinhuma jagħmlu, u l-Madonna, timxi wara Ġesù, dak il-ħin stess, dak il-ħin stess tgħidlu ‘Mulej, lil Ġuda, lil Pietru li ħallieħ, lis-suldati, lil dawn kollha aħfrilhom, biex jiena nkun kif trid int’”. Imbagħad, ovvjament, saru xi preżentazzjonijiet mill-Kappillan u mis-Sindku, u fl-aħħar l-E.T. ta l-barka pastorali tiegħu.

Wara l-programm kompla minn Akkademja mużikali mtellgħa mis-soċjetà Santa Marija u Banda Re Ġorġ V fil-pjazza. Ħadu sehem il-Banda Re Ġorġ V u s-sopran Francesca Farrugia. Wara l-Arċisqof żar il-każin, bierek u fetaħ uffiċjalement il-wirja La Semana Santa. Ingħata xi rigali ta’ l-okkażjoni fosthom ktieb dwar is-Soċjetà u karlotta.

Wara dan qasam il-pjazza, fejn ġie milqugħ mis-Soċjetà Mużikali Madonna tal-Ġilju. Ingħata xi rigali fosthom ktieb dwar is-Soċjetà, karlotta u CD ta’ innijiet Marjani mill-kumitat u wara żar il-wirja annwali tas-Sezzjoni żgħażagħ tal-Ġilju, li din is-sena saret fl-Isptar il-Qadim u ngħatat l-isem ta' Via Crucis. Tbissem il-ħin kollu.

Fl-aħħar waslet… u għaddiet

Eħħħ! Fl-aħħar għaddiet, u għaddiet b’wiċċ il-ġid għall-grazzja ta’ Alla! Fil-għodu (il-bieraħ) ħadt lil Dr David Hay sal-Belt biex jara l-Aula Magna. Niżżlu Andrè (minħabba li l-karozza tiegħu tidħol il-Belt), jien inżilt ma’ Michael u domna nduru nofs siegħa biex insib nipparkja – il-kanna kienet li nsejt il-kartiera allura ma stajtx nidħol ġol-parking. Offra li jħallas Michael u rranġajna. Lil Hay sibtu bil-qiegħda fuq l-għatba jistenna (OMG!). Irranġajna, kollox ħadem sew u ġejna lura. Wara nofsinhar iddeċdejt li ma nippruvax nistrieħ għax kont naf li mhux se jirnexxili, so bqajt nilgħab bil-pc u nirranġa l-kamra u nagħti. Grazzi speċjali tmur lill-akbar fan ta’ dal-blog, Al, tas-sapport li tatni matul il-ġurnata b’diversi messaġġi li bgħatitli biex tikkalmani u tgħinni ngawdiha flok neqred kontirha! Fil-17:00 tlaqt ma’ Robin u George.
Is-serata marret tajjeb ħafna. Kellna l-programmi bil-kulur, kortesija ta’ Rita u Albert P., Michelino mal-video, recording live, kant minn Dorothy Bezzina, mużika ta’ Christine Zerafa (kelli l-vouchers għalihom bħala rikonoxximent, u nsjethom), poezija miktuba għall-okkażjoni minn George u moqrija minnn benefattriċi kbira, u l-fjuri ta' Machael kienu formidabbli. Id-diskors tal-pres (ehm) kien tajjeb, imma l-Bli Bli wara qalli li stenna xi ħaġa aktar ‘bubbly’ mingħandi, mhux lecture ieħor. Ċerti nies bla kultura u bla rispett!! X’ikollok tissaporti meta jkollok pożizzjoni għolja u tkun importanti!
L-arċisqof donnu ħa pjaċir. Tbissem ħafna (xejn ġdid) u ħa gost jiltaqa’ ma’ l-istudenti. F’nofs id-diskors tagħni minta. Ajma Pawl kemm int gustuż! Qlajt prosit mingħandu tad-diskors (Bli Bli tista’ tmur tixxejjer!).
Wara ħriġna nieklu – Hay ġenninni għax ħa l-pilloli u eżatt wara xorob l-inbid! OMG. Ġejna lura s-seminarju u, minkejja l-ĦAFNA xogħol li ħadt, ħassejtni ħafna aħjar…

A Palermo wedding that ROCKS!!!

Wasal il-jum tant mistenni għaż-żewġt iħbieb kbar tiegħi Debbie u Nigel! Niftakar l-ewwel ġurnata li ltqajt magħhom kien nhar Ħadd il-Palm 2002, iltqajna fil-parking area ta’ St. Patricks (fejn saret iċ-ċerimoja taż-żwieġ) u għall-car wash b’risq Palermo 2002: Una colonia unita nelle mani di Gesù. Ftit ġranet wara sirt naf li kienu rranġaw il-lejl ta’ qabel, waqt li kienu ġejjin minn Palermo mingħand is-sorijiet. U llum kellhom l-inkurunazzjoni ta’ dawn is-snin kollha flimkien.
Il-quddiesa kienet neo-liturġija à la Tabone (l-offerti jgħollhom l-għarajjes, l-inbid u l-ilma jferrgħuhom l-għarajjes eċċ – ħafna affarijiet li jidhru sbieħ fir-ritratti), il-mużika kienet mużikali ħafna (eż: introjtu Over the Rainbow minn The wizard of Oz) – iċ­-ċelebrant qal li la l-mużika terfagħlek ħsibijietek allura hija sagra! Naħseb anqas għandu idea ta’ xini mużika liturġika u x’mhix! Imbasta nduru ma’ l-arċisqof! L-isbaħ aspetti naħseb kienu x’ħin Sue Bottone (li ftakartha minn Salad Days 1996) kantat Mentre trascorre la vita waqt l-Offertorju u meta wara t-tqarbin intqalu t-talbiet tas-sorijiet. Kważi bkejt.
Il-party mbagħad kien BOMBA. Għall-ewwel daqqew xi żewġ diski konvenzjonali tat-tiġijiet imbagħad bdiet il-MUŻIKA! Doors! Eagles! Diski ta’ Palermo! U m’hemmx xi ngħidu l-mistednin (ie xi 7 ġenerazzjonijiet ta’ Palermo) irvillaw! Veru ħadna gost. Iltqajna grupp li konnha ilna ma niltaqgħu żmien twil. Erġajt rajt nies li kienu ġew miegħi Palermo l-ewwel darba. Ġeddidna koċċ memorji. U m’hemmx xi ngħidu, meta x-xorb beda jagħmel tiegħu bdejna nħossuna f’xi waħda mill-ħarġiet li konnha nagħmlu wara li niġu lura minn Palermo (jew inkella qisna qiegħdin fil-festa ta’ Santa Rosalia – imma tgħidux lis-sorijiet!!!) Veru kien tieġ tal-ġenn. U l-għarajjes kienu ħelwin ħafna. J’Alla l-Mulej iberikkom u jbierek l-imħabba tagħkom għal dejjem, ħbieb!

Aktar dwar l-akkademja

Is-Sibt fil-għodu membru tal-kumitat offriet (ċioè r-raġel tagħha offra) li tipprovdi l-programmi bil-profile tal-lecturer eċċ bil-kulur. Wow! Din s’issa qatt ma kienet fl-Akkademja (almenu safejn niftakar jien). Barra minn hekk għamlet script għall-compères veru bomba, bla paroli fil-vojt u b’sense of humour li anke l-arċisqof se jkollu jammetti li hu oriġinali. Njh njh njh.
Wara dan komplejt naħdem fuq id-diskors tiegħi. Użajt ħafna siltiet mill-kitbiet tal-Papa Benedittu XVI, affarijiet li kiteb meta kien għadu in his cardinal years. Bis-sens ir-raġel – u nzerta kien għamel sensiela ta’ taħditiet eżatt fuq it-tema li xtaqt jien: in-nuqqas ta’ mpenn ta’ l-insara lejn ir-reliġjon tagħhom. Domt madwar 5 siegħat nagħti miegħu u mbagħad bgħattu għaċ-ċensura għand l-akbar fan ta’ dal-blog u qed nistenna risposta. Xtaqt sibt ftit ħin biex nistrieħ minħabba li l-lejl naqilbu s-siegħa (= norqdu siegħa inqas) u minħabba li għandi t-tieġ ta’ Debbie u Nigel…

Xejn.sew.com.mt

Kultant tistaqsi jekk jeżistux xi forma ta’ iħirsa li jieħdu gost jaħbu l-affarijiet! Qatt ġralek li tkun ĊERT li għandek xi ħaġa partikulari u tibqa’ ma ssibha MKIEN? Bħalissa għaddej minn waħda; ma nistax insib l-ewwel parti tal-film Imperium:Augustus u tgħidli qalbi se jkolli nerġa naħdmu. Dan biex ma nsemmix it-tliet DVDs tal-kandidatura u l-ministeri! U barra minn hekk hemm ukoll l-iscripts ta’ diversi Aquinas Evenings mgħoddija li ma jinsabu mkien. Ġol-file ta’ l-Għaqda ssib KOLLOX – anke l-iscript twil paġna waħda ta’ sketch veru stupida li kienu għamlu l-Anthropology Association xi 4 snin ilu! U l-iscripts tal-compères IMKIEN, bigods! U s-saħta donnha estiża għax ħadd mill-compères ta' l-aħħar 4 snin ma jista' jsib wieħed! U kelli speċi ta’ nipprovizza wieħed fuq l-email biex ma nbellax xogħol żejjed lil sħabi tal-kumitat! Grrrrrrrrrr
Barra minn dan illum kienet ġurnata diżutli għall-aħħar. L-università kważi rqadti – ħlief waqt il-Christology, naturalment. Interessant li elf u seba’ mitt sena ilu n-nies li kienu jmorru għand il-grocer (ie fuq is-suq) u l-beautician (ie fil-public baths – jekk hux saunas jew lattrini ma speċifikax) kienu joqgħodu jitkellmu fuq Kristu u dwar jekk hux daqs Alla jew le. Bigods! Immaġina llum lil Sophie titkellem ma’ Cynthia fuq Kristu waqt li qiegħdin għand it-Tony and Guy! Jew lil Steven u Jake jitkemmu fuq is-sustanza ta’ Alla waqt li qiegħin f’xi sauna! (Naħseb it-tema tista’ tkun sustanza, imma tkun ontoloġikament… ehm… diversa…) Interessanti wkoll li meta ma kienux jaqblu kienu jiġġieldu u jagħtu n-nar lil x’imkien! Xejn ġdid – aħna ma noqtlux għall-qaddisin u l-festi?!
Imbagħad mort s’għand sieħbi biex tani abbozz ta’ pittura għad-djakonat u weħilt hemm nilgħab ma bintu – li kważi qalgħet fuq spalltni u ma nafx il-għala qisha kienet qed tifttex xi ħaġa ġol-flokk….
Wara dan, laqgħa tal-vokazzjonijiet mat-tfal tar-raħal. Ġew tnejn… almenu aħjar minn wieħed jew xejn. Imma l-livell ta’ edukazzjoni reliġjuża li kellu wieħed minnhom kienet ta’ l-għaġeb. Sabuhom l-għadam ta’ Ġesù? Jekk tmur il-ġenna tkun tista’ terġa’ titwieled hux? Il-Madonna għalfejn qgħadet tibki meta ltaqgħet ma’ Ġesù bis-salib? Ġesù waqa’ tliet darbiet għax għamlulu n-nases fit-triq?
Oh MY god!
Sadattant iċċekkjajt 42nd Street u Meet me in St Louis u ġew tajbin!

Ġbir III + fund raising

Bormla, Bormla, dear Bormla. Illum kelli 6 quddisiet Bormla (li minnhom ippriedkajt fi 3) u oħra l-Isla. Naħseb li smajt biżżejjed għal xahar! Imma kollha kienu sbieħ. Tiskanta, f’kull quddiesa jiġi xi ħadd jifraħlek jew jitolbok titlob għalih. Veru li l-poplu, minkejja kollox, għadu jfittex il-figura tal-qassis, anke jekk ma jkunx jafu. Kull żjara f’Bormla, il-Belt ta’ l-Immakulata, dejjem iġġibli ferħ u ħafna memorji sbieħ. Veru li għandi dejn kbir ma’ dik il-parroċċa u mal-kleru u l-poplu tagħha. J’Alla Marija tibqa’ dejjem iżżomm idha fuq kull min għeni matul is-sajf li għadda u x-xhur ta’ wara meta bqajt immur nagħti servizz hemm. Ħadt gost ħafna wara tant xhur nerġa mmexxi s-Salve, il-Kan Ġużepp Bonello qalli “ħa mexxieh int għax issa inti prattikament de domo!” Wow x’unur. Veru nixtieq nerġa’ nintbagħat hemm xi darba ‘l quddiem.
L-Isla ħadt gost ukoll. L-arċ t’hemm orrajt ħafna wkoll (Smeagol, qiegħed tkabbar il-lista tad-djun!) Hemm erġajt iltaqjt ma’ tifel minn tal-Klabb Sajf, u minkejja li għandu biss 4 snin għarafni u ftakar ismi! Wow! Żgħiru, għadni nħobbok u nimmisjak ħafna!
Wara dan mort sa Ħal Tarxien fejn kien hemm pasta night fund-raising għal Palermo! Erġajt iltaqjt ma’ koċċ nies, anke wħud minn dawk li kont magħhom l-ewwel darba li tlajt fl-2002 (bħal Desire!)! Erġajt iltqajt ma’ Rod, Tuth, Pollon u Mary żbġ wara żmien! Is-serata kienet stupenda. L-ikel kien tajjeb ħafna u s-servizz kien BOMBA. Guys and dolls nawguralkom li jkollkom eperjenza eċċellenti. Ħadt ħafna gost li hemm ukoll koċċ nies vera tajbin li rieġa sejrin. L-affari spiċċat mill-aqwa meta Tuth bagħtitli messaġġ u qaltli li rbħat SIM card tal-Vodafone. Njh njh njh.

Nigel’s bach….

Fil-għaxija, wara żewġ quddisiet ta’ ġbir tlaqjt sparat (ehm) sal-Qawra fejn kellna l-bachelor’s party tad-dott. Suppost kellna nkunu hemm fis-19:00. Jien wasalt fit-19:45 u (guess!) kont ta’ l-ewwel. We-ell, meta tqis li Nigel kien jirnexxilu jasal tard anke meta jistedinna għandu, ma toħodhiex bi kbira li sħabu kollha waslu tard bħalu, mhux hekk? Jien qgħadt inpaċpaċ ma’ Flood Sr – veru ħadt gost. Ovvjament issa li qed inħares lura nifhem li kien hemm mumenti li kull ma baqa’ minnhom huma buco nero fil-memorja: bħal per eżempju l-fatt li fuq il-mejda fejn konnha jien Flood sr kien hemm pitcher inid li niftarku mimli u wara niftakru vojt… jew inkella meta kont qed nipprova naqta’ l-laham u sort of is-sikkina bdiet tmur band’oħra… u, biex ma ninsewx ta’ l-aħħar, ma nafx kif filli kont il-Qawra u mbagħad niftakar li kont ir-Rabat… Naħseb dawk iż­-żewg grokkijiet whiskey qabel ma kilt (u xrobt – after all that wine must have gone somewhere!!) għamlu tagħhom… Ħasra li ċerti predictions dwar kif kien se jispiċċa said party (speċjalment dik li ssuġġeriet Mary żbġ) ma seħħewx…

Esperiment… li rnexxa

Is-Sibt 17-03-07 għall-ewwel darba, bħala kumitat ta’ l-Għaqda Studenti tat-Teoloġija, organizzajna rtir għall-istudenti sħabna. U kien suċċes!! Tant kien suċċess li ġew aktar nies milli kienu fil-fatt avżaw li ġejjin (insomma, being Maltese, m’hemm xejn ta’ barra minn hawn b’daqshekk). P. Martin għamel riflessjoni VERU tajba dwar id-dixxipulat f’San Mark. Spiss nagħmlu bħad-dixxipli, u minkejja li dejjem imdaħħlin fl-affarijiet ta’ Teoloġija u ta’ Knisja, qatt ma naslu biex verament inrattbu qalbna għal dak li jkun qiegħed jgħidilna l-Mulej. Kull mument minn dan in-nofs ta’ nhar kien sabiħ: sew it-talb tal-bidu li pprepara Michelino, sew it-taħdita tal-patri, sew il-ħin tat-tè flimkien, sew il-mumenti ta’ silenzju, sew il-quddiesa bil-mużika pprovduta mix-Xixu l-Fitzy, u anke l-ħin ta’ l-ikel. (Naturalment m’hemmx għalfejn insemmu ż-żewġ taħdidiet li għamel il-PrEs XeJn SeW fil-bidu u fl-aħħar…) Imma naħseb li l-isbaħ mument kien meta waqt il-quddiesa diversi minna qasmu l-ħsibijiet tagħhom. Nemmen li aħna stess nistgħu nkunu l-aqwa għalliema għal xulxin f’mumenti bħal dawn.

Prosit u grazzi ħbieb, j’Alla ta’ warajna jimxu fuq il-passi tagħna.

Zzzz...

In-nofs ta’ nhar ta’ dalgħodu ħalla ħafna frott. In-nies tal-kuridur tiegħi kważi kollha marru għall-konferenza ta’ l-RTK u l-oħrajn kellhom l-Università – bqajna biss jien u l-Ġinġer (li ma tantx jagħmel ħoss, anyway… avolja dan l-aħħar qiegħed itawwal naqra lsienu….) Insomma, wara l-quddiesa ħadt nagħsa tajba, u tant kienet tajba li la l-għajjat tas-Surmast u anqas it-tfal jilgħabu fil-break ma rnexxielhom iqajjmuni!
Wara l-ikel irranġajt ils-sala fejn kellna l-public speaking, peress li ma stajniex nużaw l-AVR minħabba l-information day ta’ għada. Il-laqgħa bdejnieha xi 40 minuta tard għax tal-konferenza damu ma ġew. (Wieħed kellu l-wiċċ jagħmel talk dwar il-puntwalità. Ehh Abù!!!) Insomma, kienet interessanti. Wara komplejt nagħmel xi 30 invit ieħor. Tielgħin! Summertime ġie tajjeb, u qisu biex jidħak bja tax-xogħol li ħadt peress li t-tape kien naqra qadim, illum għamel fuq La7 fis-14:00!!!

L-ewwel ċitazzjoni bil-Peugeot

Wara li bqajt hawn nagħmel 73 invit ieħor dalgħodu (f’temp ta’ inqas minn siegħa!!!!) mort biex noħodhom il-posta u għaddejt minn triq li suppost kienet magħluqa minħabba t-tfal ta’ l-iskola. Sibt pulizija b’sens morali qawwli li wara li tani ċ-ċitazzjoni ġie biex jgħamilli lezzjoni tal-morali fuq il-ħela ta’ flus minħabba n-nuqqas ta’ attenzjoni... Kien hemm ftit mumenti ffullati bejn x’ħin ftaħt ħalqi jien }… u x’ħin irriversjajt College Street kollha – għall-grazzja t’Alla ma tlaqtx b’ċitazzjoni oħra minħabba nuqqas ta’ rispett lejn persuna ta’ awtorità.
Fil-Christology komplejna dwar ir-riżurrezzjoni. Moħħi aktar kien fl-Lm20 lira se jkolli nħallas u minn fejn se nġibhom. Wara dan, dort dawra ma’ l-Università darbtejn biex qassamt by hand (fuq tal-bieraħ) l-inviti ta’ l-għalliema u l-għaqdiet.
Wara nofsinhar mort bir-rigal għand Nigel u Debbie – tajthom ikona tat-Trinità ta’ Rublev – għoġbithom. Issa rrid nibgħatilhom l-ispjega tagħha. Murder she said ġie tajjeb! Il-lejla żbarazzjat naqra l-kamra u qgħadt nisma’ The Ancient Faith, wara xi sentjen għadu sabiħ.

L-istorja wara l-Akkademja s'issa

Il-bieraħ Dun Pawl qalli li rranġa biex jiġi lecturer ieħor flok Vergote biex jagħmel il-public lecture ta’ l-Aquinas Evening fl-istess data li konnha ftiehmna. Iġifieri bħall-bieraħ ħmistax. Fil-għaxija bdejt niġi in se x’laqatni. Minn banda tajjeb li l-lecture se ssir xorta waħda, mill-banda l-oħra qabadni ferħ ta’ ġenn għax qiegħdin tard ħafna fiż-żmien. Domt sas-1:00 nagħti mas-setting ta’ l-invit.
Dal-għodu, għall-ewwel darba f’6 snin ma qomtx għall-quddiesa!! U qajjini l-għajjat ta’ Romario xi siegħa wara. Għaddew minn moħħi ħsibijiet li kienu jinvolvu siġġu, ħabel, gag, ċavetta, bieb u toilet.
Qomt u ħrabt lejn l-Università. L-ewwel ma għamilt mort sibt lir-Rettur u kontra kull liġi tad-dinja naturali fi żmien ħames minuti kont spjegajtlu x’ġara eċċ u staqsejtu jekk stajtx noħroġ l-inviti jgħidu li l-akkademja hija taħt il-patroċinju tiegħu. Ma sabx problemi, anzi qalli “Bil-qalb kollha”! WOW!
Imbagħad mort xtrajt il-karti (grazzi Bella tad-discount!) u stampjathom kollha (grazzi Paperclips tax-xogħol u d-discount!). Dan kollu seħħ f’inqas minn siegħa. Anqas nista’ nemmen. Minn hemm mort sal-Belt u ħallast id-deposit għall-Aula Magna. Issa kullma baqa’ huwa l-catering u l-mużiċisti.
Sibt lil oħti u għamilna sa l-16:00 niktbu l-inviti. Kullma qed nara quddiemi huma ismijiet ta’ dipartimenti u kummissjonijiet u istituti u isqfijiet! Imma lestejniehom! (Cioè ma’ oħti lestejt il-biċċa l-kbira, koċċ oħra għamilthom il-lelja u l-aħħar ftit nagħmlilhom il-labels għada) Phew! Inkredibbli. Għandi memorji ta’ kamra mimlija nies kulħadd iħarbex l-inviti u ma llestux f’ġurnata! Kemm aħna effiċjenti!
Fil-għaxija waqajt down għax l-ex boss qalli l-invit ta’ l-isqfijiet suppost intihomlhom by hand! U dawk ilħaqt bgħatthom bil-posta. So għamilt invit ieħor u tajtu lill-Arċisqof li nzerta hawn għall-prize day. Issa għada nċempel lis-segretarju u ngħidlu biex meta jasallu l-invit, jaħarqu. Njh njh njh.
Il-bieraħ ħraqt Hercules u ġie tajjeb.

Ġw 13, 15

Dal-għodu, wara diversi ġranet, letteralment ma flaħtx inqum! L-iżeljarin tfejtu u dawwartu jħares lejn il-ħajt u bqajt rieqed sakemm qajjimni l-għajjat (for want of a better word) waqt l-assembly. Ma domtx ma ġejt f’tiegħi u morna sa l-Uni. Kien hemm tumbata u kaxkart il-qiegħ tal-karozza. Bidu ħażin.

Waqt il-Christology ppruvajna nispjegaw xi tfisser li l-Madonna ttellgħet is-sema bir-ruħ u l-ġisem u għala Ħ’Attard għandhom statwa tal-Madonna bl-isħab taħtha! OMG! Jien ikkonkludejt li tagħna aqwa għax taħtha għandha qabar. U tal-fidda!
Wara morna sa għand il-kapuċċini u ftiehmna t-tema tad-djakonat: “Kif għamilt jien magħkom, hekk tagħmlu intom ukoll”. Togħġobni. Issa ngħidu lill-Eċċellenza speaker u lill-artist li se jagħmlilna s-santa.
Lura hawn il-film Hercules kont se narmih għax weħel il-bieraħ u reġa’ weħel dalgħodu waqt it-transfer minn tape għal-mpeg! U l-kanna hi li l-ebda file ma qiegħed jaħdem! Tajjart kollox u bdejt nagħmlu siegħa siegħa. Daħal. Njh njh njh. Bir-reklami twil xi tliet siegħat. Dwar xi kwalità hu ma nafx għax biċċiet rajt.
Għamilt xi siegħa u nofs mat-telefon flok Reuben. Nixtieq inkun naf għala t-telefon operators tal-kliniċi tal-gvern ma jagħmlux differenza bejn dermatologst u podologist! Għala tistaqsi għal wieħed jibgħatuk għand l-ieħor!?
Waqt il-quddiesa d-djaknu xeraq, padre padre…. Dak id-daħk kollu ma jagħmilx ġid.
L-assistent amministratur tal-Melita Theologica ġie qalli li l-editur irid żewġ kopji ta’ l-ewwel numru tas-supplementary series… tajba wkoll! Bil-kemm baqa’ kopji ta’ l-aħħar numru, aħseb u ara ta’ l-ewwel! Mort inqalleb ġo l-uffiċċju (fih inqas taqlib milli niftakru ħames snin ilu meta dħalt fil-kumitat l-ewwel darba!) u anqas biss sibt kopja waħda għar-records! Issa joħodhom iż-żewġ kopji!

Fil-5:30

L-iżveljarin kont se narmih mit-tieqa… imma kelli nobdih. Qomt u fis-6:25 kont qiegħed Birkirkara. Il-knisja veru tidher stramba bil-faċċata bla bieb! Il-ġbir mar tajjeb – fl-ebda quddiesa ma kienet ippakkjata l-knisja, imma n-nies kienu ġenerużi. Waqt li kont hemm, bejn quddiesa u oħra smajt diversi stejjer dwar it-twaqqif tal-parroċċa u l-qerda ftit ftit tal-festa. Nammetti li qamitli l-kurżità biex immur nara lil San Ġużepp ħiereġ bil-karru nhar il-31 ta’ Mejju (għax dis-sena dakinhar se ssir). L-istatwa sabiħa imma kbira wisq biex toħroġ mill-bieb u jridu letteralment ikaxkruha!
Wara nofsinhar mort id-dar u qgħad inpaċpaċ ma’ ħuti u ma’ ommi. Sibt l-email ta’ dak il-proxxmu li mill-Italja qed jirnexxilu jiddobba l-artikli tiegħiħewd… Fis-sens: tajjeb li l-artikli qed jintogħoġbu u qed ikollhom ċerta ċirkolazzjoni, imma l-Italja! Gott! Ma kontx ippreparat għal xi ħaġa hekk! Insomma ħabat tajjeb li għandu email għax se niffranka milli noqgħod inqalleb ġon-negattivi! Njh njh njh.
Erġajt mort għall-ġbir. Fl-aħħar quddiesa kont se norqod għax dal-lejl ma rqadx xi ħafna…
Wara ltaqjt ma’ ħuti morna nieklu mix-Xara Palace. L-ikel t’hemm (speċjalment id-deżerti) dejjem għoġobni. (Mill-ġdid: m’hemmx kommixin!). In-Newborn Christians irriżultaw materja interessanti għad-diskussjoni. Anke l-brimb ta’ Cambridge. Anke l-knisja bla bieb fejn kont qed niġbor.
Fil-għaxija, lura ġol-kamra, Augusto parte seconda beda jtini l-problemi biex jaħdem sew, imma issa, fl-aħħar donnu ċeda. Iġri nħassru mill-pc ħalli nagħmillu ftit spazju. L-ewwel parti ħadmet bla problemi.
Inant (bħalma dejjem nagħmel) qbadt naqra ktieb ieħor, avolja ta’ qablu bdejt l-bieraħ u għadni ma spiċċajtux. Did-darba mess Enemy of God.

Gbir... weekend 2

Irqadt raqda tajba u twila u kif qomt mort għal-laqgħa li organizzaw il-GSP. Interessanti… l-APS messhom ilaqqmuh “Is-salvatur ta’ Malta”! Wara ċċekkjajt Venere imperiale – ġie tajjeb = DVD ieħor fil-kollozzjoni vasta li għandi. Sakemm kilna ttransferjajt Augusto: il primo imperatore u wara (bla ħsieb) irrekordjajt verżjoni ġdida tal-film Hercules – avolja qrajt li kien tal-qamel.
Wara nofsinhar mort għall-ġbir fil-parroċċa ta’ San Ġużepp ħaddiem – ħadt pjaċir. L-istatwi sbieħ. Issa nkomplu għada.
Bdejt naqra ktieb fiction ġdid – Marcovaldo. Ilni żmien ma naqbad ktieb bit-Taljan!

X'imkien bejn l-infern u s-Saltna ta' Alla...

Illum kienet ġurnata mimlija bla ħsieb…
Fil-għodu qajjimni r-ragħad għall-ħabta tal-5:30 u ħsibthom is-6:30. Meta ndunajt li stajt nibqa’ siegħa oħra fis-sodda nisma’ r-ragħad u x-xita tgħidx kemm ixxaħxaħt! Veru kien hemm irdoss. Fis-7:00 qomt totalment f’sensija u għamilt ġurnata sħiħa bomba, bla ma għajjejt xejn u anqas qabadni ngħas!! Ara veru l-ġisem iħawwad kif irid!

FL-AĦĦAR spiċċajt nagħmel il-kopji għal sħabi tad-DVDs tal-Kandidatura u l-Lettorat. Issa lesti, kullma jonqos l-artwork tal-qoxra u l-label! Hallel… le bil-ħaqq fir-Randan mhux suppost!
Fil-11:00 sabni s-surmast u qalli mmur miegħu nixtri l-kotba għal jum il-premjazzjoni. Domna xi 3 siegħat induru għand aġent u dealer u nfaqna xi Lm950 – imma xtrajna kotba sbieħ (fil-fatt naħseb nerġa mmur s’għand wieħed minnhom nixtri xi koċċ kotba li ilni ma narhom għall-bejgħ żmien u għomor!) Wieħed minnhom, id-DBL tani omaġġ ta’ ktieb ta’ studji kritċi fuq “Is-seba' tronġiet mewwija” – niftakar meta qrajtu kien saħħarni.

Kif ġejt lura kelli madwar kwarta ċans niscannja koċċ dettalji minn żewġ pitturi li kelli nippreżenta waqt is-session tal-kors dwar il-public speaking… anqas ħaqq il-panic għax ma lħaqtx għamiltha tiegħi! (Dan biex ma nsemmix il-ġiri li ġrejt biex insib projector peress li Dun Nikol kien ma’ l-arċisqof u l-bqija tal-bosses il-Fawwara, ergo kullimkien kien imsakkar u ma stajtx insib wieħed readily available!!)
Minn hemm mort siegħa u nofs mat-telefon – wieħed mill-bosses għandu ĦAFNA fans għax dardruni jċemplu kull 5 minuti!

Wara l-ikel rajt biċċa minn "Xarabank" – erġajna bl-għerf tan-Newborn Christians! Kien hemm waħda qed tinsisti li fil-Bibbja hemm miktub li l-effemminati ma’ jidħlux fis-Saltna ta’ Alla – “Hekk hu għax hekk tgħid il-kelma ta’ Alla!” “Iġifieri se jmorru l-infern?” “Le, mhux hekk qed ngħid. Kullma qed ngħid u li ma jidħlux fis-Saltna ta’ Alla!” Mela fejn se jmorru Doris, ħi? (By the way, “Doris” kienet qed titkellem għax taha permess żewġha li he was born in Australia, għax fil-Kelma ta’ Alla hemm miktub li l-mara hija suġġetta għar-raġel u m’għandhiex titkellem fil-pubbliku!) OMG! Ara veru l-imġienen jiġru barra qiegħdin! Anzi, jidhru fuq it-tv! Anqas kont nemmen li hawn min għadu b’dil-mentalità fl-2007! Daqt nerġgħu lura għall-mentalità li l-mara hi fabbrika tat-tfal u xejn iżjed! Ċiss!!
Bil-ħaqq, il-bieraħ spiċċajt naqra Interesting Times. Veru tajjeb.

d disappearing hard disk

Għamilt jumejn nieqes għax kelli naqra problemi bil-pc! Veru affarijiet ma jitwemmnux! Il-bieraħ kont qed nipprova nittajpja l-omeliji li għamel l-Arċisqof Cremona fis-Seminarju fiż-żewġ żjarat li għamel, imma tant jinstema’ textix jew irbumbjar li qtajt qalbi. Imbagħad il-pc weħel. Tfajtlu re-start u reġa’ weħel. Tfajtlu oħra u lloadja, imma beda jġibli li l-Acrobat Pro ma jsitax isibu. Ma tajtx każ u komplejt niċċattja ma’ oħti. Imbagħad mort niftaħ il-My computer u drive E ma dehritx. Hawn aħna! 16-il Gb ta’ mużika, ritratti, clips, powerpoints flimkien ma’ l-ewwel omeliji ta’ l-arċisqof il-ġdid telqu! Ma kontx naf kif għandi nirreaġixxi. Fl-aħħar iddeċidejt li aħjar norqod raqda tajba u mbagħad nara għada. U hekk għamilt. Dal-għodu mort l-università qisu qatt ma kien xejn. Il-ġurnata kienet interessanti ħafna, speċjalment is-sagħtejn Christology. L-ideat ta’ Hans Urs Von Balthasar interessanti –naħseb nipprova naqra dwaru aktar fid-dettall. [Innutajt li kont stembaħt sew għall-ħabta ta’ l-10:00.] Imbagħad waqt il-morali kważi erġajt irqadt. Insomma…
Waħħalt żewġ posters għall-irtir li se bħala GħST se norganizzaw għall-istudenti. S’issa kellna rispons tajjeb meta tqis li dan qiegħed isir għall-ewwel darba.
Ġejna lura hawn, kilna – laħam à la chinois u patata moqlija. Għoġobni. Wara tlajt fil-kamra biex inkompli naqra l-artiklu mill-Jerome. Xegħelt il-pc biex nagħmel il-kopji tad-DVD tal-kandidatura u niċċekkja Der Untergang ġiex tajjeb… u drive E reġgħet tfaċċat. Minkejja li nobgħod inbiddel il-pjanijiet deherli l aħjar naqbad u nagħmel backup ta’ kollox. U hekk għamilt. Issa d-drive tista’ [complicated pictogram]*.
Fil-għaxija għall-quddiesa kellna kor Ġermaniż li ma nafx minn fejn inqala’. Il-kant kien sabiħ, avolja kienu naqra diżorganizzati. Għall-ewwel ħsibthom se jikkonċelebraw għax poġġew is-siġġijiet fuq il-presbiterju, imbagħad ressquhom lura kważi wara l-pipi ta’ l-orgni, imbagħat għalquhom u ħallewhom iserrħu mal-Kurċifiss, imbagħad iddeċidew li jinżlu fuq l-ewwel ringiela bankijiet u qgħadu qishom sardin hemm. Telgħu fuq il-presbiterju biex ikantaw u bdew b’nofs Credo fl-introjtu. OMG! Imbagħad komplew tajjeb, avolja kien hemm wieħed qagħad jaqsam minn quddiem it-tabernaklu bla rispett ta’ xejn!!! Il-quddiesa damet xi siegħa u ħames minuti, imma kienet sabiħa. Issa naraw ir-rekording kif ġie….

*Kunċett li tgħallimtu minn Interesting Times, li naħseb li l-lejla llestiħ.

Indoor games...

Illum kienet ġurnata bomba! Fil-għodu l-universià kellna lezzjoni veru nteressanti dwar il-passjoni. Kienet kastig jew solidarjetà? L-argumenti jammontaw! Lura hawn iċċekkjajt l-email u sibt diversi emails minn studenti li kkonfermaw li ġejjin għall-irtir li se norganizzaw. Wara l-ikel fl-aħħar spiċċajt nikteb l-artiklu għall-programm tal-festa ta’ San Ġuzepp ta’ Ħal Kirkop. Bgħattu email lill-editur u miegħu bghattlu 10.3 MB attachmets ta’ ritratti. Naħseb li mlejtlu l-mailbox, njhnjhnjh.
Wara dan spiċċajt naqra ktieb ta’ Mestres jismu Ma Ġesù kontra l-kurrent, fi kliem ieħor Kristoloġija għat-tfal minn xi żona minsija tal-Brażil. OMG! Imnalla ma kienx twil għax naħseb kont inċappsu ma’ x’imkien!
Filgħaxija kellna quddiesa ma’ l-arċisqof. L-omelija ma naqsitx milli tkun meraviljuża u attwali. “La għandna daqshekk imħabba moghtija lilna, kemm aktar ninsabu fid-dmir li nagħtu l-imħabba lura!” “Ma nistgħux inħallu l-ġudizzju jidħol fina!” u ħafna kummenti sbieħ oħra li jagħtu sens lill-ħajja nisranija. Ibqa’ sejjer hekk Pawl! Wara kilna ikla ċiniż babaw u kellna kwiżż seminaristiku. Kellna x-xorti nkunu fit-tim ta’ l-E.T. u anke wara li telaq ħalla l-milja ta’ l-Ispirtu fostna għax minkejja li żewġ mistoqsijiet biss ġibna tajbin, xorta rbaħna (grazzi għall-jollies li sibna njh njh njh)!

20 sena YF...

Illum jaħbat l-20 anniversarju minn mindu grupp ta’ 20 żagħżugħ u żagħżugħa bdew jiltaqgħu biex jitolbu flimkien u jippruvaw jifhmu aktar il-kelma ta’ Alla… u minn hemm beda l-Youth Fellowship, li għadu ħaj sal-lum. Dan illum ġie mfakkar permezz ta’ pontifikal imqaddes mill-Arċisqof Pawl Cremona op flimkien ma’ bosta saċerdoti li matul is-snin taw is-servizz tagħhom f’dan il-grupp. Ma naqsux milli jkunu preżenti saċerdot u seminaristi (ehm) li fl-imgħoddi kienu jiffurmaw parti minn dan il-grupp.
Ikolli nammetti li wara 7 snin nieqes mill-YF, ir-ritorn li għamilt illum ġabli lura koċċ memorji sbieħ. Ħadt gost nerġa’ nitkellem ma’ ħafna ħbieb ta’ l-imgħoddi li b’xi mod jew ieħor għenna lil xulxin biex nifhmu iżjed l-imħabba li għandu Alla għalina. Ma stajtx ma ninnutax kemm kbirna u nbdilna. Corinne qaltli li nidher li xjaħt (fuq din nitkellmu aktar ‘il quddiem Mrs Grixti, stenna sa ma tiġi tqerr għandi!), però mbagħad irriformulatha u qalet li għax nidher immaturajt ħafna! (Wow! Ħfirtlek!) Meta kkummentajt ma’ Katrine li xjaħt qaltli (b’dik id-daħka unika tagħha li qatt ma nsejt) “Haven’t we all!?” U naħseb li veru dak hu s-sabiħ tal-ħajja… dak li nagħmlu qatt ma nagħmluh waħedna. Jekk nixjieħu, nixjieħu f’daqqa, b’mod li f’għajnejn xulxin qisna nibqgħu dejjem l-istess… Imma l-isbaħ ħaġa li qaltli Katrine, u li naħseb se nibqa’ nġorrha għal ħafna żmien f’qalbi kienet meta bdejna nitkellmu fuq l-Arċisqof il-ġdid: “I really like this archbishop because he makes want to be a better Christian!” Minn fommok ‘l Alla Kat! J’Alla kulħadd jaħsibha bħalek!

P.S. agħtu daqqa t’għajn il-website tal-grupp: www.yfellowship.org. Veru tal-ġenn.

Storja ta' artiklu...

Fil-għodu morna sa l-Imdina mat-tfal tal-live-in. Għall-quddiesa qagħdu eċċellenti. Wara dawwarniehom mal-katidral u mal-mużew… ehm… it-tfal m’għadhomx bħal dari, il-kultura mhix il-forte tagħhom. Inkella jien u sħabi konnha tfal… differenti…
Wara mort sa l-RTK studio 2 fejn irrekordjajna l-programm “Il-kelma tal-Mulej” għar-raba’ Ħadd tar-Randan. Il-parabbola ta’ l-iben il-ħali/il-missier għani fil-ħniena dejjem tibqa’ favorita! Bejn recording u ieħor iddiskutejna ftit il-programm ta’ “Xarabank” tal-bieraħ. Sinċerament għandi d-dubji tiegħi kemm jista’ joħroġ ġid minn programmi simili fejn il-kelma ta’ Ċikku l-poplu tiġi ppreżentata bħala l-għerf tad-dinja moderna. Barra minn hekk dal-programmi qed jagħtu spazju għal diversi setet bħan-New born Christians biex ikomplu jżidu mal-konfużjoni fl-imħuħ!
Wara mort sad-dar għax kont qed inħossni patata. Fuq id-desk sibt fotokopja jew scan ta’ artiklu li kont ktibt għall-programm tal-festa ta’ l-2005 tal-Madonna tal-Karmnu taż-Żurrieq. Kien jiratta dwar il-pittura żgħira (imma sabiħa) li hemm (minsija) fis-sagristija tal-knisja ta’ l-Imqabba. Kien indirizzat lil persuna li toqgħod il-Belt, u mibgħut minn persuna oħra toqgħoq Santa Venera. U mid-dehra dan l-artiklu kien wasal sa għand xi patri Malti joqgħod l-Italja, li tant għoġbu li bgħat kopja lil niesu li joqgħodu Malta, staqsa min jien (oho!) u li jridni nibgħatlu kopja tal-kulur ta’ dik il-pittura! U faħħar ħafna l-istil tal-kitba tiegħi (ohohoho)! Grazzi, padre! You made my day. Frankament, u umilment, kemm jien kapaċi! Issa assedju sa ma nsib in-negattiva.

public speaking....

Nahseb l-aktar haga interessanti li kelli llum kienet li kellna t-tieni seminar tal-public speaking u kellna ngahmlu tahdita qasira kull wiehed. Nghid id-dritt ma kellix problemi biex naghzel it-tema, imma xtaqt insib xi stampi li bqajt ma sibthomx. Tiskanta! Go librerija daqsiex li fiha ssib (kwazi) kull xorta ta' ktieb, dak il-wiehed li ridt ma sibtux (u aktar tinharaq meta jkun hemm kotba ohra ta' l-istess tema lijkun hemm xi 4 kopji taghhom! gmrph!) Insomma... bhala tema ghazilt il-pittura ta' Emvin Cremona li hemm gol-knisja tar-rahal, peress li sen'ohra taghlaq 60 sena u peress li kienet l-ewwel pittura ta' Cremona li sabet ruhha mdendla go knisja. Din hi t-tahdita li ghamilt:

Dis-sena jaħbat is-60 anniversarju (*) minn meta l-pittura ta’ Kristu msallab, xogħol Emvin Cremona, tpoġġiet fil-knisja tal-Imqabba wara li dik li kien hemm qabilha ċċartet meta waqgħet il-knisja fid-9 ta’ april 1942.
Cremona twieled fl-1919 u spiċċa l-istudji tiegħu fl-1947 u hekk kif gie lura minn Londra rċieva żewġ kummissjonijiet, l-ewwel waħda għall-knisja ta’ l-Imsida biex ikompli fejn ħalla Antonio Inglott u oħra għal din il-pittura. Nifhmu li peress li fl-Imsida kellu jpitter saqaf sħiħ, ix-xogħol ħa ċertu żmien. Għalhekk din il-pittura tal-kroċifissjoni hija l-ewwel pittura ta’ dan l-aqwa artist Malti tat-tieni nofs tas-seklu 20 li ddendlet ġo knisja f’Malta.
Min għandu idea tal-pittura sagra ta’ Cremona jaf li hu kellu idjoma stilizzata ħafna, biss f’dan ta’ l-Imqabba ninnutaw ħaġa interessanti ferm. Minkejja li diġà nsibu ħjiel ta’ l-istil li Cremona għamlu tiegħu aktar tard fil-karriera, naraw li fl-għażla tal-kuluri hu rrispetta ħafna l-istil barokk tal-knisja li kien fiha kellha titpoġġa l-pittura.
Apparti l-istilizazzjoni, Cremona, bħalma titlob il-kultura ta’ żmienna ma jdaħħalx dettalji żejda fil-pitturi tiegħu. Kull waħda jkollha punt fokali u aktar kemm titbiegħed minnu inqas tkun ċara l-istampa. Dan narawh fl-impostazzjoni tad-dawl f’dil-pittura tal-kurċifiss kif ukoll f’pitturi oħra.

Biex ngħalqu ngħidu li, bla dubju, din mhix waħda mill-aqwa opri ta’ Cremona, imma fiha tixhed il-professjonalità tiegħu f’li jirnexxilu joħroġ b’xi ħaġa ta’ stil partikulari imma bla ma tistona f’ambjent artistiku differenti.

(*) Owkej, din kienet gidba biex taparsi l-pittura ghalqet sittin sena dis-sena. Licenzja interlokutiva.

Ezatt wara mbaghad kelli session mat-tfal tal-Form 4 - li kont nghallimhom sentejn ilu. Kibru, avolja xi behavioral traits baqghu l-istess...

ehhh Smeagol!

Oho! Ghadni kemm upgradejajt il-blog! Issa nibda nidel it-template kull gimgha (ehe, issa naraw!). Insomma rega' gie Smeagol biex taparsi jghidli kif nibdel il-blog, imma fir-realta' gie biex nirrangalu bicca clip ta' mara u xemgha. Nispecifika (ghall-beneficcju ta' dawk fostna li ghandhom immaginazzjoni... ehm... tigri) mehudha mit-traslazzjoni ta' San Pawl. Imma kif kien hawn hadt l-okkazjoni u wrieni kif nirranga xi affarijiet. Il-lejl it-tajjeb. Did-darba veru.

DVDs...

Il-lum dal-ghodu qomt naqra stilla peress li l-bierah dhalt norqod siegha u nofs wara li kont bil-hsieb li nirtira! L-universita' ma kienetx tedjanti daqs Hamisijiet ohra... pjuttost nghid li llum fil-maggur parti taghha kienet interessanti.....
Lura hawn fuq sibt nota helwa fuq id-desk - ie DAHLULI!! Smeagol (dak li semmejt il-bierah) hallieli camera b'bicca clip go fiha u struzzjonijiet biex indahhallu fil-pc minn minuta 8 sa minuta 25. Il-kanna li ma halliex il-cable li ghandi bzonn biex inqabbad il-camera mal-pc. Smeagoooollll!!! Insommma, cempel minn hawn u ghajjat minn hemm il-cable wasal u l-clip ghamilthielu.
Barra minn hekk, waqt li qghadt naqra l-ktieb ta' Mestres (ehhh xi jkollok taghmel ghall-marki! Kieku mhux ghax irrid naghmel assignment fuqu ilni li tajjartu minn x'imkien) qghadt naghmel il-kopji tad-DVDs ta' l-akkolitat... (About time!) Issa jekk kollox imur sew matul dal-lejl nahraq tal-kandidatura u ghada naghmel il-kopji tieghu u tal-lettorat. Forsi xi darba jkunu lesti!