-338: el santo de dias - San Injazju ta' Loyola

Dan kien nobbli Spanjol, paġġ fil-qorti ta’ Ferdinandu u Isabella (li dan l-aħħar tħarrket il-kawża għall-beatifikazzjoni tagħha! About time too…) Kien suldat u darba laqqat ferita minn bomba ta’ kanun (wieħed milli kien jagħallimni t-Taljan fl-Università, Dottor Chiari, jgħid li kienet l-ewwel darba li ntuża kanun!). Meta kien qiegħed fl-isptar jirkupra ried jaqra xi rumanz (kien iħobb il-qari), imma tawh ktieb tal-ħajjiet tal-qaddisin u tal-ħajja ta’ Kristu. U sar miraklu! Il-kotba bidlulu ħajtu u meta seta jimxi mill-ġdid ħa l-vot tal-kastità. Għamel żmien jgħix ta’ eremita ġo għar, mexa minn Ruma sa Ġerusalemm u ħadem ħafna biex jikkonvertu l-Musulmani. Ta’ 37 sena beda jistudja t-Teoloġija (u llum niskantaw għax jidħlu koċċ adulti jkagħmlu l-kors!) u ġie ordnat saċerdot xi snin wara. Nhar Santa Marija ta’ l-1534 waqqaf il-Kumpanija ta’ Ġesù, magħrufin bħala l-Ġiżwiti, li rċevew l-approvazzjoni tal-Papa fl-1541. Kellhom storja twila u mħarbta ħafna x’jgħixu dar-reliġjużi!

Lezzjoni: kultant tista’ tkunu ħaġa veru żgħira u komuni (bħal ngħidu aħna ktieb) li jwasslek biex tagħraf lil Alla! Għalhekk, inżommu għajnejna miftuħin anke għall-affarijiet iż-żgħar!

Is-sorprizi tal-bidu tal-Kwindicina...

Illum jibda żmien tassew għal qalbi – il-ħmistax il-ġurnata ta’ preparazzajoni spiritwali għall-festa tal-glorifikazzjoni ta’ Ommna Marija. U dis-sena dan il-jum għażiż ġab miegħu xi sorpriżi mhux mistennija…

L-ewwel waħda kienet il-ħruq tal-murtalun fl-4:00 ta’ filgħodu. Kont ħsibt li qatgħu qalbhom li jkomplu jagħmluh, imma mid-dehra d-demm għadu jitla’ għal xi mħuħ. U nsomma, skond il-liġi jew kontriha, fl-4:00 nħaraq il-famuż murtalun li riegħed ir-raħal u qajjem lil kulħadd, devoti u mhumiex ta’ Santa Marija. (ok, nammetti, lili ma qajjimnix. Njh njh. Imma qajjimni ta’ warajh, fit-8:00.)

La fit-8:00 kont għadni fis-sodda, il-quddiesa ma lħaqthiex. Għalhekk mort għal tad-9:00 is-Swatar biex wara ngħaddi sa l-Università biex nagħti daqqa ta’ għajn lin-notice board tal-fakultà biex nara dak li qaluli hux veru. Mort u rajt SUMMA CUM LAUDE ma wiċċi! Wow! Fl-aħħar irnexxieli! Wara 2 degrees Egregia cum laude u magna cum laude fl-aħħar waslet is-summa. Ma nafx kontx qed nistennieha jew le! Imma nsomma, ħadt gost biha! Naraw ikollix nerġa’ nagħmel il-graduation speech!

Wara dik mort niġbor il-kotba tal-liturġija tas-solennità ta’ l-Assunzjoni tal-Madonna mingħand dak li offra li jwaħħal il-qxur mal-ġewwieni. Ġew sbieħ. Kif wasalt id-dar sibt missed call u messaġġ mingħand wieħed ħabib li ilna ma niltaqgħu żmien twil. Morna ngħumu għuma ġol-baħar imqalleb f’Xorb l-Għaġin u veru ħadna gost!

Hekk kif kont sejjer lura d-dar rajt l-Imqabba qisha ġo sħabha trab. Ir-riefnu li qam kien xi ħaġa inkredibbli. Mort fittixt niżżilt il-bandiera l-ġdida qabel ma nqalgħet bl-arblu (ehm… kanna) b’kollox.

Fil-għaxija kellna mmorru Kemmuna ma’ tas-Seminarju, imma minħabba r-riħ bqajna Malta. X’tagħmel? Xorta ħadna gost, imma ma domniex daqs kemm kien ippjanat. Allura ittawwalt sal-Gudja u bqajt għall-aħħar biċċa tal-pellegrinaġġ bl-istatwa li dis-sena tagħlaq 200 sena. Ġabuha proċessjonalment minn Palazzo d’Aurel. Ma kienx hemm folol, imma kienet sabiħa.

2 festi u nofs f'ġurnata!

Ġurnata mhux tas-soltu… Wara tliet quddisiet fil-għodu (li waħda minnhom kelli nkanta fiha!) assistejt għall-ħruġ min-niċċa tal-vara unika u meraviljuża ta’ Santa Marija ta’ Ħ’Attard. Kien sabiħ u… ehm… mhux tas-soltu. L-ewwel nett il-musketterija u l-ftit murtali kienu sinjal biex in-nies imorru l-knisja (flok ma saru meta ħarġet il-vara), imbagħad kien hemm speċi ta’ omelija dwar it-tifsir tal-festa għall-komunità parrokkjali, imbagħad il-kappillan bierek lin-nies (is-soltu kien ibierek u jinċensa l-vara, imma did-darba kien oriġinali), mar ħdejn in-niċċa fetaħha u ħarġuha bil-bradella b’kollox. Kien hemm ċapċipa pulita (after all we’re at Attard!). Ħadu l-Madonna sa ħdejn il-bieb, refgħuha (kważi qalbuha għax refgħu ta’ naħa waħda biss! Il-knisja kollha nħasdet!) u mbagħad bdew imexxuha bil-mod sa ħdejn il-presbiterju biex ipoġġuha fuq il-bradella. Ħin minnhom kienet waslet sa ħdejn in-niċċa, imbagħad paċpaċt ftit ma’ l-abbatini u meta ħarist reġgħet kienet ħdejn il-bieb. Ħakkejt tnejn rasi… imbagħad il-prefett spjegali li biex il-kappillan ikollu ċans jiġbor, jimxu pass ‘il quddiem u tnejn lura. Boq. After all we’re at Attard. Njh. Insomma f’temp ta’ kwarta ġabru Lm1052. Wow.
L-innu għoġobni mmens.

Tiegħla s-sema, wiċċha jiddi
Bħaż-żerniq ta’ jum sabiħ
Dawl ix-xemx il-libsa tagħha
Fuq is-sħab b’sieqha tistrieħ!



Fil-għaxija erġajt mort il-parroċċa u mbagħad wara għaddejt sa Santa Venera. Minkejja d-doti li għandha l-vara, fil-knisja l-ġdida u fi Triq San Ġużepp tidher pjuttost… mitlufa. U forsi mnalla. Ħadt żewġ ritratti ta’ Vinny u mbagħad mort ninviżta l-knisja l-qadima u bqajt hemm sakemm wasslu l-vara hemm. Kien hemm koċċ ċapċip meta waslet ħdejn il-knisja u meta reġgħet bdiet miexja.

Wara mort sal-belt għall-festa ta’ San Duminku, patrun tal-parroċċa matriċi tal-Belt Valletta, allura patrun tal-Belt, minkejja dak li jingħad minn oħrajn. Ma pressjonajtx ruħi bin-nies x’ħin wasalt…dort dawra mal-knisja. Sabiħa ħafna. Qbadt inpaċpaċ ma’ saċerdot li jifhem fl-arti u qalli din hi l-isbaħ statwa ta’ Malta u hi biċċa xogħol ta’ arti ta’ livell internazzjonali.. Ir-raġuni hi li l-qawwa u l-grazzja fiha jilħqu bilanċ perfett. Nammetti li togħġobni ħafna. Naġseb li mill-vari tal-Belt San Duminku, f’għajnejja, jibqa’ l-isbaħ. Meta wasal biex jidħol il-folla li nġabret quddiem u ġol-bażilka kienet xi ħaġa ta’ barra minn hawn. Iċ­-ċapċip kien qawwi, imma f’loku. Ħadt ħafna gost.

-339: the saint of the day - San Leopoldu Bogdan Mandic

Leopoldu twieled fil-Kroazja, kellu xi deformazzjoni u kien ta’ saħħa fiżika dgħajfa imma ta’ saħħa spiritwali formidabbli. Sar kapuċċin u għadda ħafna snin f’kunventi fl-Italja u f’pajjiżu, minnkella li xtaq isir missjunarju fl-Ewropa biex jaħdem għall-għaqda fir-reliġjon nisranija. Għadda sena l-ħabs matul l-Ewwel Gwerra dinjija minħabba li kien Kroat.
Ħajtu kienet kuntrast kontinwu bejn iċ-ċokon tiegħu tiegħu (anqas kien twil 5 piedi!) u l-ġkantezza spiritwali tiegħu. Il-mard li kellu kieku ftit ftit. Dan wasslu biex jagħraf iċ-ċokon tiegħu quddiem Alla u jaċċetta s-saħħa dgħajfa li kellu b’serentià. Ħaġa li kien spiss jgħid lill-eluf li kienu jmorru jqerru għandu (għal 40 sena għadd aktar minn 12-il siegħa kuljum fil-konfessjonarju): “isaħħaħ fil-fidi, kollox jitranġa, issaħħaħ fil-fidi!”
Lezzjoni: spiss meta jkollna niċċaħħdu minn ħaġa li nixtiequ, Alla kapaċi jitrasforma dak li jkollna naċċettaw f’ħaġa tant kbira li waħedna żhur ma konnhiex kapaċi nagħmluha!

-340: il santo del giorno - Santa Marta

Din naħseb li hija l-unika waħda li kellha l-wiċċ VILI tgerger kontra oħtha f’wiċċha quddiem Ġesù nnifsu… u ssir QADDISA! OMG. Spiss lil Marta niftakruha bħala dik li gergret għax oħtha ma għenitiex u qalgħet ċamata mingħand Ġesù għax m’għażlitx is-sehem it-tajjeb! Spiss ninsew li meta miet Lazzru kienet hi marret għand Ġesù tgħidlu “Li kieku int kont hawn, ħija ma kienx imut!” u ninsew li kienet fost l-ewwel li stqarret li Ġesù hu l-qawmien u l-ħajja! Forsi, after all, Martha waslet biex tagħżel is-sehem it-tajjeb u għarfet tħaddmu f’ħajjitha xi ftit aktar minn oħtha li baqgħet tibki ħdejn il-qabar.

Marta hija l-protettriċi tan-nisa tad-dar u tas-sefturi. Minn xi sitt snin ilu ‘l hawn, meta ħallewlna bomba mal-bieb, xbieha ta’ dil-qaddisa sabet ruħha fil-kċina ma’ ġenb dawk tal-Ħniena Divina, tal-Madonna tal-Karmnu u ta’ Santa Katarina, li quddiemhom hemm xemgħa dejjem tixgħel.

Lezzjoni: l-għarfien ta’ Alla f’ħajjitna hija proċess. Għalkemm m’għandiex noħduha easy ż-żejjed, nifhmu li f’persuni l-proċess jieħu fit-tul aktar milli f’persuni oħra. No problem, wara kollox Alla jimxi bil-pass tagħna.

-341: u santu du die - San Pedro Poveda Castroverde

Qaddis spanjol, għalliem u ħeġġieġ kbir ta’ l-edukazzjoni fost it-tfal u promotur kbir tal-preparazzjoni xierqa għall-għalliema. Bħala saċerdot kien iservi f’diversi parroċċi, u tant kiseb fama tajba li laħaq kanonku u kellu pożizzjoni għolja fil-bord nazzjonali kontra l-illitteriżmu. Bena diversi skejjel għall-fqar, kien direttur spiritwali ta’ diversi oħrajn u fetaħ l-ewwel reżidenzja universitarja għat-tfajliet ġewwa Spanja. Spiċċa maqtul fir-rivoluzjoni spanjola.

Lezzjoni: jista’ jkun li Alla jsejjħilna għal għandu anke meta nkunu mlaħħqa u l-ħajja tagħna tkun qed tħalli ħafna frott għall-benefiċċju ta’ dawk ta’ madwarna. It-toroq ta’ Alla ħadd ma jafhom. Il-jum u s-siegħa ħadd ma jafhom.

-342: La santa del giorno - Santa Parasceve, ka Venera

Vinny għandha storja interessanti! Kienet bint Politea u Agathon, żewġ sinjuruni nsara. Damu ma kellhom tifla, imbagħad kellhom lil din! (Naħseb li f’Santa Venera hemm l-uniċi statwi tagħhom… seeing kif inhuma l-ġenituri ma nistkantawx li t-tifla ġiet kif ġiet! Njh). Insomma, Vinny ġiet mgħallma kif xieraq lil tifla sinjura. Meta mietu Politea u Agathon, tat kollox lill-fqar u saret predikatur famuż. Oho! (Vote for women!)
Arrestawha (xejn ġdid) u rieduha tiċħad il-fidi (xejn ġdid anqas hawn). Ittorturawha. Tefugħa ġo borma żejt jagħli u ma ġralha xejn. L-imperatur Antoninu staqsieha għamlitx xi maġija biex tberred iż­-żejt. X’għamlet? Qabdet ftit f’idha u tefgħetulu f’wiċċu, ħarqitulu u għamietu. Oh! Fejjqitu u sar nisrani (ħa!). Meta nbidel l-imperatur reġgħu bdew il-persekuzzjonijiet. Tefgħuha ġo bir ma serp velenuż. Għamlet is-sinjal tas-salib fuqu u nqasam fi tnejn! Reġgħu ttorturawha sakemm qatgħu qalbhom u qatgħulha rasha. (Mill-istampa jidher li reġgħet kibritilha, imma baqgħet mejta).

Lezzjoni: forsi kultant bit-talb u l-azzjonijiet tagħna anke dawk stess li jagħmlulna ħajjtina nfern jistgħu jinbidlu, bħala kien il-każ ta’ Vinny u Antoninu.

Wara 4 ijiem rieqed f'Ghawdex...

Għadni ġej minn 4 ijiem Għawdex – din hi r-raġuni għala l-blog ma kontx qed inżidu u għala qiegħed naqra b’lura. Lill-fans li mlewli mailbox bil-complaints ngħidilhom iserrħu rashom li l-blog għadu ħaj u se jkompli.
Insomma Għawdex… ajma kemm irqadt! U kemm kilt healty (frott biss, apparti xi darba meta ħriġna nieklu biex niċċelebraw l-aħħar lejl). U kont f’kumpanija tajba ħafna. Mhux se ngħid ma’ min minħabba d-data protection act, so għalxejn issaqsuni. Iltqajna wkoll ma’ koċċ qassisin Għawdxin u tkellimna fuq ħafna xorti. All in all, kelli bżonnha u ħadt ħafna gost, speċjalment waqt il-mumenti ta’ talb u tal-quddies. Il-brevjar jieħu xejra oħra meta titolbu mal-ħbieb!

P.S. jekk tridu tkunu tafu bi flat il-Qbajjar li jżommu Lm2.50 kull lejl għal kull persuna għiduli. Post bomba, kwiet u RĦIS.

-343: the saints of the day - Sant’Anna u San Ġwakkin, nanniet

Ok, nammettuha: il-ġenituri tal-Madonna ħadd ma jaf min kienu u ħadd ma jaf x’kien jisimhom. Imma l-eżistenza tagħhom hija ċerta! Wow!
Hemm xi sorsi li jgħidu li Anna u Ġwakkin kienu xi naqra tat-tajjeb – ma nafx kemm dan hu korrett, għax meta Marija u Ġużeppi ppreżentaw lil Ġesù fit-tempju, dawn għamlu l-offerta tal-fqar. Li kieku kienu tat-tajjeb presumibilment Marija kienet tiret xi ħaġa, mhux hekk? Jgħidu wkoll li l-koppja kienu kemmxejn xjuħ meta kellhom lil Marija – probabilment din hija xi leġġenda pija li żviluppat biex tidher aktar il-qawwa ta’ Alla fit-tnissil ta’ Marija. Xi devotissmi kienu jgħidu li Anna baqgħet verġni fit-tnissil u t-twelid ta’ Marija – imma dan ġie kkundannat fil-Vatikan fl-1677. Il-Knisja tal-Lvant kienet devota ta’ daż-żewġ persuni mill-ewwel ġranet tal-Kristjaneżmu.

Anna u Ġwakkin, flimkien, huma l-protetturi tal-ġenituri! Minjaf kemm ġenituri messhom jitolbuhom jidħlu għalihom meta uliedhom jitilfu t-triq! U min jaf kemm daż-żewġ qaddisin jixtiequ jgħinu lill-ġenituri jerfgħu s-salib tal-ħajja!

Lezzjoni: Kienu koppja bħall-oħrajn, imma bla ma jafu, kellhom missjoni speċjali! Min jaf aħna, fil-ħajja komuni tagħna, kemm inkunu qed inwettqu missjonijiet speċjali li Alla biss jaf fhiex għad isarrfu aktar ‘il quddiem!

-344: el santi de dias - San Ġakbu l-kbir, appostlu

Ġakbu minn dejjem kien persunaġġ li jaffaxxinani! Hu kien wieħed mit-tlieta li raw it-Trasfigurazzjoni tal-Mulej fuq it-Tabor… fil-waqt li Ġwanni u Pietru jieħdu prominenza kbira fil-Bibbja, Ġakbu donnu jibqa’ dejjem moħbi… Għalhekk, darba waqt meditazzjoni dwar din ix-xena sabiħa, lil Pietru rajtu bħala r-rappreżentant tas-saċerdoti u l-mexxejja tal-Knisja, Ġwanni rajtu jissimbollizza lil dawk li għandhom ħajja spiritwali qawwija u profonda, u lil Ġakbu ttimbrajtu bħala dak li jirrapreżenta lil dawk li għandhom għarfien tal-Mulej, imma li b’xi mod jibqgħu misturin… dawk il-ħafna nsara qaddisin li jgħixu ħajja eżemplari u ta’ prinċipju imma li ħadd ma jsir jaf dwarhom…

Ġakbu kien l-ewwel appostlu li ta’ xhieda ta’ imħabbtu għal Kristu billi xerred demmu. Xi snin wara l-fdalijiet tiegħu ttieħdu Compostela, fi Spanja li hu wieħed mill-akbar ċentri ta’ pellegrinaġġi fid-dinja.

Lezzjoni: Ġakbu minkejja li ma tantx insibu dwaru kien l-ewwel wieħed li miet għal Kristu… m’hemmx għalfejn inkunu xi ħadd importanti biex nuru li aħna wkoll ta’ Kristu!

-345: il-qaddisa tal-jum - Santa Kristina, VMMMM

(Din b’rispett lejn waħda ħabiba tiegħi, fan kbira tal-blog u li kienet fil-kumitat tiegħi ta’ l-GħST s-sena l-oħra. U li gergret ħafna għax waqaft għal xi ġranet peress li kont Għawdex.)
Għad-differenza tal-qaddisa li kkunsidrajna xi ġranet ilu, din hi waħda minn dawk li ma nafu xejn dwarha u li madwarha nbnew ħafna stejjer, u xi stejjer!!
Kristina kienet ġejja minn familja pagana u b’xi mod saret nisranija u spiċċat arrestata. Ommha ppruvat tikkonvinċieha terġa’ ssir pagana, imma bla suċċess. Għalhekk ingħatat il-martirju. Cioè diversi martirji, fosthom:

• tawha n-nar, imma n-nar ħarab minn taħtha u ħaraq nofs il-folla li kienet qed tħares;
• qatgħulha sidirha, u wara minnhom beda ħiereġ il-ħalib (mhux speċifikat reġgħux weħlu jew reġgħux kibru);
• qatgħulha lsiena biex ma tkompliex tippriedka – imma bla lsien leħinha sar aktar ċar u jgħajjat;
• tefgħet ilsienha lil wieħed milli kienu qed jikkundannawha u għamietu (naħseb li she overlooked il-parti fejn Ġesù jgħidilna “lil min itik daqqa ta’ ħarta, dawwarlu l-oħra”… imma then again, ma kelliex ilsien ieħor x’jaqtgħlha! Jew inkella tefgħetulu biex ikompli jqatta’ fih?);
• rabtuha minn għonqa ma’ ġebla u tefgħuha l-baħar biex tegħereq (veru?), imma hemm taħt iltaqgħet ma’ Ġesù li għammidha (mela ma kienetx ġa nisranija!?), u mbagħad San Mikiel reġa’ tellagħha fuq l-art (ma kontx naf li jaf jgħum! Ir-rix suppost jitqal taħt l-ilma, mhux hekk? Forsi l-ġenna qiegħda taħt il-baħar flok fis-sema?)
• sparawlha vleġġa f’qalbha u baqgħet taħtha (x’anticlimax! Imma almenu mhux qatgħulha rasha!)

Jekk San Ġorġ megalomartri, din xinhi?
Lezzjoni: ehm… il-fantażija u l-kreattività huma rigali sbieħ mingħand Alla!

-346: Il-qaddis tal-jum - San Liborju

(Dan poġġejtu b’rispett lejn wieħed minn sħabi tal-kors li fis-sena barra kien qiegħed Ruma jaħdem f’parroċċa ddedikata lilu.) Liborju kien Franċiż, ħabib ta’ San Martin ta’ Tours. Bħalu kien isqof u beda ħafna knejjes ‘l hawn u ‘l hemm. Interessanti li snin wara mewtu, r-relikwi tiegħu ittieħdu minn Le Mans (fejn kien midfun) sa Padeborn (fejn għadhom jinsabu sal-lum) u dan wassal għal xi forma ta’ ġemellaġġ bejn iż-żewġt ibliet li baqa’ ħaj għal aktar minn elf sena. Il-parroċċa ta’ Padeborn imbagħad tat xi liri biex inbniet il-knisja tal-porraċċa li fiha ħadem sieħbi f’Ruma, b’hekk sar ġemellaġġ ieħor bis-saħħa ta’ dal-qaddis!
Lezzjoni: ma min rajtek xebbaħtek! Dan kien jagħmilha ma’ Martin ta’ Tours, u spiċċa isqof qaddis bħalu.

-347: Il-qaddisa tal-jum - Santa Marija Maddalena, ehm

U min qatt qal li min ikollu żogħżija kemmxejn… ehm… avventuruża ma jistax isir qaddis? Il-Madalena hija xhieda ta’ dan. Kellha l-aktar professjoni magħrufa antika li għal eluf ta’ snin essenzjalment qatt ma nbidlet. U x’ġara? Iltaqgħet ma’ Ġesù, ħafrilha u ħabbha kif kienet u dan wassalha tibdel ħajjitha… u mhux biss!!! Għal min qatt ma nduna, kienet hi l-ewwel waħda li rat lil Ġesù ħaj wara mewtu! Żgur li l-curriculum vitae li kellha ma baqax jgħodd wara l-maħfra li rċeviet.
Ħafna kienu dawk li bnew diversi stejjer madwarha u li għadhom jippruvaw iċappsulha isimha; l-aħħar wieħed fosthom kien is-sur Dan Brown bir-rumanz The Da Vinci Code.
Lezzjoni: m’hemm l-ebda dnub kbir wisq biex jirċievi l-maħfra ta’ Alla. U, kbir kemm kien kbir, ladarba d-dnub huwa maħfur, allura huwa minsi. Staqsu lill-Madalena!

Il-marc tal-Miskina...

Mela l-Ħamis li għadda fettilli nitla’ għall-marċ iż-Żurrieq. Mort għall-ħabta ta’ l-22:00 (għax sa dak il-ħin konnha qed nistennew lil ta’ l-enemalta jiġu jirranġawlna d-dawl għax XI ĦADD ħawwad xi ħaġa u tajjar il-fuse…) Mort hemm u ltqajt ma’ koċċ ħbieb li s-soltu niltaqa’ magħhom fil-festi taż-Żurrieq. Tawni xi updates interessanti dwar il-festa, affarijiet li qatt ma kont nobsorhom… Qgħadna fil-pjazza naraw il-marċ jispiċċa. Kienet qed iddoqq il-Banda San Ġużepp tal-Ħamrun, tal-Miskina u kien hemm atmosfera sabiħa. Imbagħad bqaja hemm nixorbu u npaċpċu qiddiem il-Bronze Bar. Ħin minnhom ħarist lejl l-arloġġ u sibt li kienu saru… ehm, aħjar ma ngħidx. Kien sar ħafna ħin. Lil sħabi għedtilhom “Ħa mmur għax lil ommi se jkolli nispjegalha żewġ affarijiet: X’qgħadt nagħmel fil-pjazza s’issa u xi tlajt nagħmel għal dan il-marċ partiklari.” Fortunatament laħqet qatgħet qalbha u daħlet torqod. Njh.

-348: La sainte du jour - Santa Prassede

Din waħda minn dawk li ma tantx nafu fuqhom, imma li b’xi mod misterjuż ma nbnewx stejjer kbar u fantastiċi madwarha. Prassade kienet bint senatur sinjurun u qaddisa (Santa Pudenzja) u oħt qaddisa oħra (Santa Prudenzjana). Baqgħet xebba u kienet tuża l-liri li kellha għas-servizz tal-Knisja. Baqgħet magħrufha ħafna għall-virtujiet tagħha. Illum f’Ruma hemm knisja famuża b’ħafna możajċi sbieħ iddedikata lilha. Lezzjoni: m’hemmx għalfejn nagħmlu affarijiet kbar li jidhru biex nilħqu l-perfezzjoni għax dak li nagħmlu fil-moħbi huwa magħruf quddiem Alla!

-349: Il-qaddisa tal-jum: Santa Margerita ta' Antijokja, VM

Margerita, għal uħud, hija l-verżjoni femminili ta’ San Ġorġ għax spiss tidher akkumpanjata minn pet mhux tas-soltu – dragun.
Kienet bint mara nisranija u qassis pagan fil-Pisijda (illum parti mit-Turkija). Ommha mietet meta kienet żgħira u mara nisranijiet rabbietha. Meta missierha sar jaf li bintu kellha tendenzi nsara qatagħha mill-wirt u Maggie marret toqgħod mal-mara li rabbietha u kienet taħdem ta’ pastorella. Maggie kienet magħrufha li dejjem iġġor salib magħha… darba ltaqgħet ma dragun (taf int… ħaġa ta’ kuljum tiltaqa’ ma dragun qiegħed jippassiġġa fl-għelieqi…) u belagħha. Wara ftit is-salib beda jdejjqu u b’hekk beżaqha. (oh well… niskantaw b’Ġona jew b’Pinocchio?)
Wieħed raġel ra sabiħa f’għajnejh (min qatt sema b’qaddisa kerha!?) u pprova jwaqqagħha fid-dnub. Meta hi żammet sod, gżuwha li kienet nisranija u b’hekk ingħatat il-martirju, li ma ħadimx mill-ewwel. Pruvaw jaħarquha u ma rnexxielhomx, pruvaw jaqluha u xejn... fl-aħħar qatgħulha rasha.

Fil-medju evu (xi elf sena wara li mietet) leħinha kien wieħed minn dawk li wasslu lil Santa Ġovanna ta’ Arc biex tmurr tiġġieled f’isem il-Knisja.
Lezzjoni: ġorr dejjem salib miegħek ħalli jekk tiltaqa’ ma’ dragun teħles minnu! U s-salib żommu għax temmen, mhux biex tiddandan bih!

-350: The saint of the day - San Gwann Plessington

Dan wieħed mill-martri tal-peresekuzzjoni Ngliża kontra l-Kattoliċi fi żmien Enriku VIII u Eliżabetta I. Ġwanni għamel xi żmien maħrub fi Spanja. Sar saċerdot f’Segovia (boq) u mbagħad reġa’ lura lejn pajjiżu biex jaħdem fost il-kattoliċi li kien għad baqa’. Dam sittax-il sena fl-Ingilterra sakemm inkixef li kien saċerdot, għamel xahrejn il-ħabs u mbagħad ġie maqtul (mgħallaq, qalgħulu msarnu u qasmuh f’erbgħa), ħati tar-reat tas-saċerdozju.
Nitgħallmu: għall-imħabba ta’ Alla u l-poplu tiegħu l-ebda periklu ma jista’ jidher kbir wisq!

(Dan qaddis li mkie ma sibt stampa tiegħu!) Din l-arma ta' kunjomu, naħseb)

-351: ze saint of za day: Simon of Lipnicza

Oħo! Dan importanti! Għala? Għax dan wieħed mit-3 l-oħra li ġew kanonizzati ma’ Dun… San Ġorġ Preca fi Piazza San Pietro fit-3 ta’ Ġunju li għadda. Kien patri Franġiskan li minn dejjem ħass is-sejħa għall-ħajja reliġjuża. Kien magħruf għall-priedki li kien jagħmel. Miet f’epidemija waqt li kien qed jaħdem mal-morda.
X’nitgħallmu: li Alla jista’ jtina l-kapaċità li għall-imħabba tiegħu fl-oħrajn naslu biex inwarrbu l-bżonnijiet tagħna u letteralment ma nqisu xejn ħajjitna biex naqdu lil ħaddieħor li hu fil-bżonn.

-352: les saintes du jour: Il-matri ta' Compeigne, OCDs, VM

Dawn kienu sittax-il mara (11-il soru, 3 lajċi karmelitani u 2 qaddejja tas-sorijiet) li offrew ħajjithom għall-Knisja meta r-rivoluzzjoni Franċiża ħraxet kontra dak kollu li hu qaddis. Ftit ġranet wara li għamlu din l-offerta, ir-rivoluzzjonarji eretiċi daħlu fil-kunvent tagħhom u kaxkruhom fil-ħabs. Il-ftit ġranet li għaddew fil-ħabs kienu jħeġġu lill-ħabsin l-oħra biex jitolbu u ma jaqtgħux qalbhom. Fis-17 ta’ Lulju, l-għada tal-festa tal-Madonna tal-Karmnu, ġew maqtula talli għażlu li jżommu sħiħ mal-fidi tagħhom u mal-wiegħdiet li kienu għamlu. Qabel qatgħulhom rashom kantaw il-Veni Creator, ġeddew il-voti u kantaw is-Salve Regina. Eroiżmu sa l-aħħar.
Nitgħallmu: hi xinhi l-qagħda tagħna, dejjem nistgħu inkunu ta’ wens għal ta’ madwarna; hemm drabi fil-ħajja meta nistgħu nidhru boloh talli nżommu sħiħ ma’ dak li nemmnu, imma jekk nitolbuh, Alla jtina l-qawwa li nżommu sħiħ sa l-aħħar.

-353: Marija Omm u Sultanta tal-Karmelu

Illum m’għandniex qaddisin (jew aħjar il-qaddisin li hemm huma ta’ importanza kemmxejn inferjuri) – illum il-Knisja tippreżentalna lil Sidntna Marija bħala l-ġnien ta’ Alla (Karm’el dak li tfisser). Id-devozzjoni lejn il-labtu hija antika ferm, u t-tradizzjoni tgħallimna li l-Madonna għandha mħabba partikluari lejn din id-devozzjoni. Niftakru li l-aħħar dehra f’Lourdes seħħet fis-16 ta’ Lulju u li fl-aħħar dehra ta Fatima, it-tfal qaddisin qalu li raw lill-Madonna liebsa l-abitu Karmelitan. Qisu d-dehriet dejjem spiċċaw alla grande! Il-Madonna tal-Karmnu tfakkarna fl-imħabba li għandha din l-Omm għalina wliedha, li għoġobha tlibbisna bil-libsa tagħha u li wiegħditna li tkun magħna fl-aħħar mumenti ta’ ħajjtina. J’Alla nimitawha f’kollox bħalma hi imitat f’kollox lil Binha.

Fil-għodu, għall-ewwel (u naħseb l-aħħar) darba f’ħajti mort għall-pontifikal tal-bażilka tal-Karmnu fil-Belt. Kienet sabiħa, imma TWILA. Il-mużika naħseb li setgħet kienet aħjar – kultant instema s-surmast isikket lill-kantanti biex ma jkantawx jgħajjtu. L-antifona m’għarafthiex! U xi ħadd ħadli l-MP3 player li ħallejt moħbi fil-gallarija! Grr. Fl-aħħar il-pirjol ippreżenta lill-Arċisqof salib pettorali b’Madonna fuqu (xinhi l-idea li jkollok salib b’Madonna msallba fuqu!?) u telgħu koppja biex jippreżentaw lit-tarbija… l-ilbies kien xi ftit… ehm… mhux ta’ ġo bażilka fil-festa mmexxija mill-arċisqof!
Wara l-quddiesa (forsi b’risposta għall-karità li wrejt fi ħsibijieti dwar l-armar tal-bażilka eċċ) inqalgħali l-qiegħ taż-żarbun u kelli nimxi mill-Karmnu sal-monti prattikament ħafi! Xtrajt karkur Lm2.50 u kont veru qiegħed sew miexi ġo Triq ir-Repubblika liebes pulit u mbagħad bil-karkur…
Fil-għaxija, addio pellegrinaġġi devozzjonali wara l-Madonna… mort sal-baħar u veru ħadt gost!

Tibda l-festa tal-Madonna tal-Karmnu fiz-Zurrieq

Dal-għodu f’12:00 inħarget il-vara meraviljuża tal-Madonna tal-Karmnu (Salvu Psaila, 1842) min-niċċa tagħha fl-Oratorju biex iddaħħlet fil-knisja arċipretali ta’ Santa Katarina VM fiż-Żurrieq. Il-ħruġ ta’ din l-istatwa devota minn dejjem kien jiġbidni… min jaf għalfejn… Fis-snin meta kont inkun Palermo f’dal-ġranet, dejjem kont niftakar f’dan il-jum għażiż meta l-vara ta’ Ommna tas-Sema taħt it-titlu tal-Karmnu tinħareġ u bl-entużjażmu li jkun hemm. Il-pjazza kienet ippakkjata bin-nies. L-isbaħ mument naħseb li jkun x’ħin il-Madonna titwaqqaf ħdejn il-kanċell ta’ l-Oratorju u jindaqq l-innu Fior del Carmel, qabel ma tibda’ ddoqq il-mota ta’ 12:00. Kien hemm koċċ eċitament bil-bżieżaq – li tnejn minnhom intelqu ġol-knisja (l-arċipriet ma ħax gost!). Insomma, apparti din ta’ l-aħħar, kienet okkażjoni sabiħa ħafna.

-354 - Il-qaddis tal-jum: San Gakobb ta' Nisibis

Qatt smajtu bih lil dan? Kien wieħed mill-għorrief tal-Knisja li ħadu sehem fil-Konċilju ta’ Niċea (erm… dan baqa’ magħruf għat-talb li kien jagħmel biex Arju jfittex imut! OMG). Insomma, apparti dan kien magħruf għall-għerf tiegħu, għall-ħniena li kien juri u għall-bini ta’ bażilka u skola teoloġika f’Nisibis (ma nafx fejn jaħbat). U kien l-ewwel wieħed li nieda tfittxija għall-muntanja li fuqha hemm l-Arka ta’ Noè. Interessanti… a saint with an archeological flair…

L-engagement ta' Balani!

Wara r-riċeviment fil-każin kelli naħrab ħarba sa San Ġwann għall-engagement ta’ Nikki… erm… Nicolette u Karl. Iċ-ċrieket (proprjament ċurkett u arloġġ) berikhom ħadd inqas mill-E.T. Mons. Isqof Annetto Depasquale (għax jiġi z-ziju ta’ l-għarus). Ħadt gost nitkellem miegħu – tiskanta, għarafni! (“Illum liebes differenti!”) Mons. Depasquale jibqa’ dejjem persuna li tassew nammira u li jtini ħafna kuraġġ minħabba l-mod kif iħares lejn il-ħajja.
Il-party kien kważi qisu ta’ tieġ (min jaf fit-tieġ x’ġej! Balani, I’ll be there, I promise!!!!). L-ikel kien tajjeb u abbondanti! Kien hemm ħafna saris iduru (il-familja tan-naħa ta’ missierha ġew kollha bin-national costume!), u l-atmosfera kienet waħda sabiħa ħafna. Ħadt gost nitkellem ma’ Nikki u ma’ ommha u ma missierha (“Mr Balani…” “Haw, orrajt?” “Għaraftni?” “Le, qas idea.” “Xi 3 snin ilu kont tlajt Palermo ma’ Nikki ġimgħa wara l-oħrajn” “Issa qed ngħarfek! Orrajt?”…). Kien party sabiħ. Palermo veru laqqagħni ma’ nies mill-aħjar u tal-ġenn!

L-ewwel stedina mill-Ghaqda Karmelitana u Banda Queen Victoria

Illum ġurnata storika! Wara li ilni 7 snin in fila nikteb artikli fuq id-devozzjoni Karmelitana f’Pajjiżna, kelli stedina formali mill-Kumitat ta’ l-Għaqda Karmelitana u Banda Queen Victoria għal riċeviment fil-każin bħala preparazzjoni għall-festa tal-Madonna tal-Karmnu fiż-Żurrieq. Apprezzajt ħafna. Peress li mdorri mmur riċevimenti hekk bil-ġlekk, did-darba xejn inqas. Mort bis-suit, imma OMG, ma kienx hemm suit oħra tidher f’każin sħiħ! La l-president, la l-arċipriet, la s-seminaristi l-oħra li kien hemm, la r-rettur tal-fratellanza, la l-ministru ta’ l-edukazzjoni…! Ħassejtni minus.com. Imma dik is-siegħa li għamilt hemm ħadt pjaċir. Xi darba rrid immur nieħu ritratt tal-knisja minn fuq dak il-bejt għax tidher veru sabiħa.

-355 - Il santo del giorno: San Kamillu de Lellis

Dan jaħbat iben ta’ suldat u fil-fatt f’żogħżitu sar suldat hu ukoll. Mill-kitbiet dwaru jidher li kellu l-fiżjonomija ta’ ġgant għax kien twil 6 piedi u nofs! Kien iħobb jilgħab u wara ftit tilef kollox u kellu jidħol jaħdem ta’ bennej mal-Kapuċċini. Din l-esperjenza kkonvertietu. Sar novizz Kapuċċin tliet darbiet, imma ferita f’siequ (li kien ġarrab meta kien suldat) dejjem għamlitlu wisq ostakli biex ikun jista’ jkompli. Mar Ruma u daħal fi sptar imwaqqaf minn San Filippu Neri bħala pazjent, imma wara xi snin sar l-amministritatur tiegħu (rags to riches?) Insomma, ispirat minn dan ix-xogħol waqqaf il-kongregazzjoni tal-Kamelljani li jieħdu ħsieb il-morda. Fil-morda hu kien jara x-xbieha ħajja ta’ Kristu.
X’nigħallmu? Forsi esperjenza qarsa tista’ tiġi użata minn Alla biex iressaqna aktar lejH, forsi Alla kultant juża xi ħaġa li ddejjaqna biex jurina t-triq tagħna, forsi nistgħu nieħdu ħafna żbalji, imma qatt m’hu tard wisq biex insibu t-Triq mill-ġdid!

-356 - la santa del giorno: Santa Clelia Barbieri

Qaddisa aktar qrib ta’ żmienna. Ta’ l-għaġeb dak li rnexxielha tagħmel Santa Clelia f’ħajja qasira! Skond l-aġjografija tagħha hi qatt ma wriet interess f’dak li hu tad-dinja, imma moħħa kien biss f’dak li hu ta’ Alla u kif se tkabbar il-ħajja spiritwali tagħha. Ta’ età żgħira waqqfet il-Kongregazzjoni tal-Minimi ta’ l-Addolorata li l-ministeru tagħhom huwa l-ħidma fi sptarijiet u l-iskejjel għall-ġid tal-morda, tax-xjuħ u ta’ l-abbandunati. Mietet fl-1870 ta’ 23 sena u minn mewtha ‘l hawn leħinha għadu jinstema’ jkanta fid-djar tal-Kongregazzjoni mas-sorijiet meta jkunu qed jitolbu! Il-Papa Pawlu VI ibbeatifikaha fl-1968 u l-Papa Ġwanni Pawlu II ddikjarha qaddisa fl-1989. Hi l-patruna ta’ dawk li jiġu mmaqdra minħabba l-ħniena li juru lejn l-oħrajn. Hija ta’ eżempju kbir għalina li meta nħallu lil Alla jaħdem fina, żgur li m’hemmx limitu għal dak li nistgħu nagħmlu, anke fi żmien qasir.

Il-WATER GAMES

Fis-Summer Club illum kellna ġurnata aktar rilassata mill-jumejn l-oħra li għaddew. Rilassata, as in mentalment. Fiżikament kient ferm aktar impenjattiva. Imma DĦAKNA. Tiskanta… il-voluntiera donnhom aktar kienu moħħhom biex ixarrbu lil xulxin milli lit-tfal… forsi għax dan għen biex it-tfal jagħmlu nofs ta’ nhar jidħku u qgħadu kwieti ĦAFNA. Ħadna pjaċir… kultant tajjeb li nerġgħu nsiru tfal!

Il-b'day party ta' Rod

Ajma Rod, x’tixjieħ!!! Dan kien is-6 berdej li għaddejna flimkien, u l-maġġur parti tagħhom kienu ċċelebrati f’Palermo, normalment b’xi applawż mit-tfal u dilka shaving foam fil-għodu u b’kejk u tidlika bit-taħlita [perikoluża] tax-Schembri. Eħħ, dak kien żmien…
Dis-sena, bħas-sena, l-oħra ltqajna Wied iż-Żurrieq fil-boathouse u kellna BBQ tajjeb ħafna. Konnha l-klikka li bqajna Malta. X’tagħmel? Ħadna ħafna pjaċir. Ħasla ma naqsitx, nh njh njh, imma almenu bis-San Michel mhux bit-taħlita!!

-357 - il-qaddisa tal-jum: Santa Veronika

Min qatt ma sema’ bil-Veronika u b’dak li għamlet. Iva, din hi dik li mesħet wiċċ Kristu meta kien qed iġorr is-salib. [Bejnietna: ma kontx naf li hi qaddisa u li għandha l-ġurnata tal-festa tagħha…] Dwarha ma nafu xejn għar dak li nsibu fit-tradizzjoni antika li llum għadha ħajja fil-Via Sagra. Jekk tassew kien hemm mara li mesħet wiċċ Kristu ma kienx jisimha Veronika – l-isem ġie mir-relikwija ta’ wiċċ Kristu li ttieħdet Ruma fl-ewwel seklu u li biex tingħaraf minn oħrajn foloz kienet tissejjaħ: vera icon – li bil-popolan sar Veronica, u minn nom saret isem proprju… eħħ, il-lingwa!
Hemm diversi leġġendi fuqha fosthom:

• li hi l-mara li tfejjqet mit-tnixxija tad-demm,
• li marret Ruma u fejjqet lill-Imperatur Tiberju,
• li ħalliet il-maktur wirt lill-Papa Klement,
• li żżewwġet lil Żakkew u marret Franza miegħu, hu sar eremita u hi kienet tgħin lil wieħed Martial fil-ħidma ta’ l-appostolat,
• li ġiebet ir-relikwi tal-Madonna fl-Ewropa,
• li mietet f’Bordeaux

Interessanti hux?
Insomma, aparti l-leġġendi, l-att li għamlet din il-mara, kienet min kienet, jistħoqqlu l-foħrija għax hi ma beżgħetx minn dak li seta’ jiġrilha meta qorbot lejn dak li kien ikkundannat għall-mewt. Il-kundanna tiegħu ma waqqfithiex milli turi ħniena miegħu… u dan hu l-eżempju li għandha nieħdu minn ħajjitha.
Hija l-patruna tal-ħassielha – meta jkollok xi tebgħa ma tridx tmur minn fuq xi flokk jew purtiera jew xugaman jew maktur, ftakar fil-maktur tal-Veronika!!! – u tal-fotografi – frosi tagħha kien l-ewwel ritratt u l-aktar wieħed li dam ħaj!!!

-358 - le saint du jour: San Bendittu, abbati, OSB

Qaddis tas-seklu V, imma kemm hu attwali! Benedittu kien ġej minn familja nobbli Rumana (ftit snin wara l-waqgħa ta’ l-Imperu tal-Punent). Meta kien qiegħed jistudja, f’żogħżitu, kien skandalizzat mill-imġieba ta’ xejn m’hu xejn ta’ sħabu, għalhekk ħarab lejn Subiaco fejn għex bħala eremita għal tliet snin. Ftit snin wara waqqaf monasteru f’Monte Cassino – kien l-ewwel monasteru li nbena fl-Ewropa (dan kien għadu wieqaf sat-Tieni Gwerra Dinjija sakemm xi tromba bill-Alleati ddeċieda li aħjar jibbumbardjawh ma jmurx ikun hemm xi suldati Taljani moħbijin fih! Illum hemm replika identika tiegħu). Ir-Regula li kiteb tant ġibdet nies li kellu jwaqqaf 12-il monasteru. Kien hemm min din il-popolarità dejjqitu u pprova javvelenah, imma l-kumplott falla, għax hu bierek il-velenu u neħħielu l-ħsara! Matul ħajtu qered diversi artali u idoli pagani, sakemm miet bid-deni fis-sena 547. Oħtu t-tewmija, Skolastika, hija qaddisa benedittina wkoll.

L-ewwel FESTA f’Ħ’Attard

The name says it all. Illum kelli l-ewwel esperjenza ta’ festa fil-parroċċa li qiegħed allokat fiha. Kienet il-festa tal-Madonna tal-Karmnu fl-Isptar Monte Carmeli.
Kellha elementi simili u oħrajn differenti minn tal-festi li mdorri nżur. Imma kienet festa tassew sabiħa. Messitli qalbi. U r-residenti ta’ l-isptar ikunu qed jistennewha.

Il-knisja u l-vara tal-Madonna kienu armati sbieħ ħafna. Ir-relikwarju mhux ta’ min jarmih anqas (il-patri qali li tal-bronż – boq) Il-bradella fiha xi biċċiet skulturati u oħrajn interzjati. Xi żewġ sufarelli u xi tliet gabbani u banda ma naqsux. U anke nies kien hemm: residenti, familjari u oħrajn li jiġu mill-iScouts u mill-bandisti li kien hemm idoqqu. Ħadt ħafna pjaċir.

Il-purċissjoni naħseb li kienet itwal mill-purċissjonijiet tar-raħal! :( Wara kellna party żgħir bejnietna. Jien u l-4 abbatini li ġew miegħi ixxalajna u blajna kemm flaħna (naħseb qed jittieħdu mill-atitudnijiet raħħala tiegħi. Njh).

-359 - il-qaddisa tal-ġurnata: il-kontessa Santa Amalburga

Illum għandna qaddisa interessatni ħafna. Kienet nobbli, għallmet lil uliedha (forsi l-bidu tal-private tuition fost is-sinjuri?), li minnhom 3 saru qaddisin. Meta kollha kibru hi u żewġha rtiraw ġo monasteru benedittin. Mid-dehra xi darba f’ħajjitha qasmet xi għadira fuq xi ħuta, jekk l-informazzjoni li sibt fhimtha sew. Boq. X’nitgħallmu minnha? Naħseb l-isbaħ ħaġa hi li l-ħajja tal-qdusija twassal biex ħaddieħor jitħajjar. Hi kienet qaddisa u kaxkret bl-eżempju tagħha lit-3 uliedha.

L-ewwel ġurnata sħiħa f’Ħ’Attard

Illum bdejna s-Summer Club = għamilt Ħ’Attard minn filgħodu sa bil-lejl. Nieqes 3 siegħat. Il-quddiesa mat-tfal kienet sabiħa ħafna. L-aktar session li ħadt gost naħseb kienet tad-drama… min jaf għalfejn? U ħadt gost ukoll wara li telqu t-tfal, innaddaf mal-bqija tal-voluntiera. Il-pizza li għamilna ġiet tajba (frosi tiegħi ħallejtilha l-għaġina naqra nejja – fil-każ dan jispjega xi… konsegwenzi). Wara ġejt 3 siegħat id-dar u erġajt mort hemm, did-darba l-Museum. Kont ma l-aspiranti u kellna diskussjoni fuq l-abort u l-morali tiegħu. Interessanti. Bqajt hemm għall-assenjatur (naħseb l-ewwel darba f’ħajti). It-temi kienu l-kuxjenza u l-ereżija tal-monofiżiti. Memorji… memorji.

Jum ta’ biża, jum ta’ qilla…

Il-bieraħ ħarġu r-riżultati tal-finals. Ehm… ir-reazzjoni tiegħi kienet xi ftit… imħawwda. Fid-Domma ħsibt li mort aħjar, fl-Iskrittura ħsibt li mort agħar. Mela suppost jibbilanċjaw. L-awqa li għaddejt u in ġenerali mort tajjeb.

-360 - La santa del giorno: Santa Veronica Giuliani

Illum għandha waħda mistika. Tfajla minn familja sinjura li riedet biss tagħti ħajjitha lil Alla. Kienet tara l-viżjonijiet minn mindu kienet żgħira. F’ħajjitha ta’ soru għexet il-mumenti tal-passjoni mal-maħbub tagħha Ġesù, u rċeviet l-istigmati. Qatt ma ppruvat taċċerta lil ta’ madwarha li huma veri… sempliċement aċċetathom u għexet bihom. Eżempju kbir ta’ kif ngħixu t-tbatija li jippermetti li jkollna l-Mulej bla ma ndoqqu trombi u nuru lil kulħadd kemm qed inbatu.

-361 - Il-qaddisa tal-jum: Santa Prixilla

Santa Prixilla, il-mara ta’ San Aquila. Mara Lhudija li flimkien ma’ żewġha ħaddnet il-Kristjaneżmu, laqgħet lil Pawlu għandha f’Efesu u f’Korintu, u darha f’Ruma kienet tintuża bħala knisja. Mietet martri flimkien ma Aquila. Dak kollox… imma x-xhieda li ttina din il-mara hija waħda kbira. Kienet taqla’ l-għajxien flimkien ma’ żewġha billi taħdem is-sengħa tagħha, kienet tilqa’ f’darha lil min kien ikun qed jivvjaġġa, laqgħet f’darha lil kull min kien irid jadura lil Alla l-veru u tat ħajjitha għal Dak li kienet temmen fih. Xhieda qawwija fil-ħajja, xhieda qawwija fil-mewt.

-362: il-qaddisa tal-ġurnata - B. Maria Romero Meneses

Il-Beata tal-lum hija xhieda tal-verità li l-qdusija hija miftuħa għal kulħadd. Imwielda minn familja sinjura fl-Amerka Latina u mużiċista prima (ok, dad-dettal MA STAJTX inħallih barra!), telqet kollox biex saret soru salesjana. Biss ma waqfitx hemm. Bil-kwalitajiet eċċezzjonali ta’ management li kellha għarfet kif iddaħħal lis-sinjuri tal-klassi tagħha fi skemi ta’ fund raising b’mod li jagħmlu karità stra-ordinarja mal-fqar ta’ madwarhom. Għarfet kif tgħaddad l-imħabba u d-devozzjoni lejn l-Ewkaristija ma temi soċjali bħalma hi l-ġlieda kontra l-faqar bla dinjità. Veru każ ta’ damiġġjana li għarfet tadatta għall-inbid li tpoġġa fiha!

Is-surprise party ta' Mary

Bħalma jiġri spiss, diffiċli tgħid le! Wara l-festin (festun) tad-Dun Josef mort sas-Swieqi għal surprise party li għamilna lil Mary, waħda mill-aqwa ħbieb li għamilt mill-esperjenza ta’ Palermo. Bażikement iltqajna l-parti mill-klikka li bqajna Malta. Lil Debbie, wara xi erba’ xhur tqala, fl-aħħar bdiet tidhrilha żaqqha u veru kienet ferħana għax illum ħasset lit-tarbija tiċċaqlaq għall-ewwel darba. Kemm tifraħ mara meta tkun taf li se ssir omm!

X’ħin wasalt l-ikel kien spiċċa kollu :(, imma xorta ħadna pjaċir inpaċpċpu u nidħku. U Mary, avolja tgħid li she hates surprises, hadet ħafna pjaċir ukoll.

Il-prima messa bi storja twila warajha...

Il-bieraħ kellna l-prima messa ta' wieħed mill-ordinandi. Kienet sabiħa mmens, u l-omelija kienet bis-sens. Ħadt pjaċir. Il-kor kien tajjeb ħafna wkoll. Meta beda jkanta l-Kyrie tal-quddiesa Pane di Vita Nuova ta’ Marco Frisina, reġa’ beda għaddej minn moħħi l-proċess (interessanti) li għaddejna minnu sakemm akkwistajna l-orkestrazzjoni kompluta.

Kollox beda madwar il-bidu ta’ April meta r-reverendu ġie jistaqsini niktiblu nota qasira bit-taljan li fiha qal lill-manager ta’ Frisina li xtaq jixtri l-quddiesa biex jagħmilha fil-prima messa. Għamilnieha u n-nota ntbagħtet email. Ftit ġranet wara r-rev irċieva l-booklet tal-vocal score. Kien nofs April. Ġimgħa wara, l-għada tal-festa liturġika ta’ San Ġorġ M. (M.M. skond xi Qriema u xi Għawdxin) u ktibna email oħra li fiha spjegajna li ridna l-librett ta’ l-orkestra kollha. Għaddew il-ġranet u l-ġimgħat u din l-email baqgħet qatt ma ġiet imwieġba. Bgħattna xi tnejn oħra bħala reminder imma xejn. A friend in high places ħabib ta’ Frisina tana l-mob tiegħu, imma l-messaġġi ma bdewx jaslu. Meta wasal nofs Mejju u xorta konnha bla risposta, ir-rev beda jinkwieta… għalhekk ftiehmna li nċemplu (= inċempel) u nkellmu (= inkellem) lil Mons. Frisina nniffsu. Faċli hux? Qisek qed taqli bajda.

Minn informazzjoni li akkwistajna deher li Frisina jgħallem il-mużika fis-Seminarju tad-djoċesi ta’ Ruma, so ċempilt hemm. “Mons. Frisina lavora al Vicariato non qui!” Ooops! L-ewwel foul. Ċempilt il-Vicariato (kienu s-13:30) u min irrisponda qalli, very nicely, “Non c’è nessuno qui!”, imma almenu tani n-numru dirett ta’ l-uffiċċju ta’ Frisina biex inċemplulu l-għada.

L-għada ċempiltlu bla ma għedt lir-reverendu.

“Pronto, Seminario maggiore di Roma”

“!?”

“Scusi?”

“Posso parlare con Mons Frisina?”

“Non è qui; lo trova al Vicariato”. Anqas tajtu ċans jispiċċa li ma qtajtx. Mid-dehra għafast numru b’ieħor. Kont għadni rieqed. Ċempilt il-Vicariato u rrispondietni, naħseb, is-segretarja u qaltli li Frisina ma kienx hemm dik il-ġimgħa u tatni l-mob ta’ waħda mill-kor tiegħu u dak ta’ Frisina (li ma qabilx ma’ dak li kien tana l-friend in high places…). Ċempilt lill-korista u waqt li kont qed nispjegalha li bgħatna diversi emails imma dawn ma ġewx imwieġba waqgħet il-linja min-naħa tagħha. Grr. Bgħattilha sms fejn spjegajtilha fil-qosor u tajtha l-email tiegħi. Xi sagħtejn wara wieġbet u qaltli li se tirranġa kollox.

Għaddew il-ġranet u xejn. Il-panic kien qed iżid. Għal mument issuġġerejt li wat il-quddiesa jitfa’ CD. No comment. Meta għaddiet dik il-ġimgħa (sadattant bdejna Ġunju bil-finals in full swing) erġajna ċempilna l-Vicariato u fl-aħħar irnexxieli nkellem lil Frisina nniffsu. Meta tajtu d-data ta’ meta bgħattna l-email dwar l-orkestrazzjoni “In quel giorno Giuseppe è andato per tre giorni di ferie!” Tajjeb! Mela meta ġie lura ma tax każ l-ordnijiet li daħlulu waqt il-vaganzi!!! OMG.

Għaddew jumejn u l-mużika waslet! Ovvjament ta’ tfal bravi li aħna erġajna ċempilnielu (= erġajt ċempiltlu) biex nirringrazzjawh. Tanto, fejn konnha ilna nonfqu flus f’telefonati billi nċemplu oħra x’fiha?!

-363: The saint of the day: Santa Maria Goretti, VM

Qaddisa ta’ żmienna, imma bi storja ta’ eroina medjevali! Santa Marija Goretti, it-tfajla tas-seklu XX li għażlet li tmut flok li tilqa’ t-tkasbir. Forsi kieku għażlet troq oħra kienet tinqala’ mill-faqar li kienet tgħix fih. Min jaf? Imma hi, minkejja li ta’ età żgħira ħafna, għarfet fejn kien l-aqwa ġid. Ħaġa li laqtitni minn mindu kont żgħir fl-ikonografija ta’ din il-qaddisa kienet li spiss tiġi rrapreżentata bħal xi qaddisa ta’ l-ewwel snin tal-Knisja jew tal-medjuevu: tfajla b’dijadema madwar rasa u bil-palma u l-ġilji f’idejha. Dit-tfajla, bħal Kristu, ħafret lil min qatilha.

Min jaf x’ħasset ommha meta l-Papa Piju XII ipproklamha qaddisa quddiem 250000 ruħ! Kienet l-unika darba li omm kienet preżenti għal kanonizzazzjoni ta’ xi ħadd minn uliedha.

Mhux li kien ilkoll kemm aħna ngħarfu, bħalha, npoġġu l-prijoritajiet tagħna kif suppost!

Il-midalja, ilma, DVDs, żewġ laqgħat u overtime

Fil-għodu mort sal-qasam tal-Museum tar-raħal u fl-aħħar irnexxieli niġbor il-midalja kommemorattiva tal-fidda, tifkira tal-kanonizzazzjoni ta’ San Ġorġ Preca. Għedt “fl-aħħar” għax, ehm… ilha ftit tistennieni u meta mort għaliha s-Superjur kien waqt laqgħa u ma ridtux jinqala’. Insomma, waslet. Sabiħa.

Lura d-dar kien hemm missieri li qalli li ommi qaltlu li rat kullimkien ilma. Ħolmot? Li ġara kien li minħabba r-riħ li għamel dal-jumejn, pipe minn fuq il-bejt (li sinċerament m’għandi l-ebda idea missieri għalfejn għamlu) inqala’ minn mat-tank u ħasel kull m’hemm: il-bejt l-għoli, il-bejt il-baxx, il-bitħa nterna (mnalla ma daħalx ġo kamra tiegħi għax kien ikollna ċ-ċikċifogu), il-bitħa l-kbira, il-bitħa tal-ġara (OMG) u b’xi mod sab katusa li wasslet biex l-ilma ħareġ barra wkoll. Plumbing. Not my genius.

B’xorti tajba missieri sab jixtrili xi pakkett DVD – R 8x għax wara li xtrali 150 16x (minkejja li ilni sena nħambaq li dawk ma jaqblux mad-DVD rom tiegħi) u ma ħadmulix (surpise!) kien se jtini estru (ir-raġuni hi li għandi l-pc se jispakka bl-ammont tal-videos li tfajt fih, tant li bilkemm baqagħli spazju npoġġi xejn). Insomma, bdejt inbattal.

Fil-għaxija mill-ġdid Ħ’Attard għal żewġ laqgħat tas-Summer Club, waħda għall-voluntiera u l-oħra għall-ġenituri. Kien hemm konkorrenza tajba ħafna. Qlajt kummenti tajbin mingħand xi ġenituri ta’ żgħażagħ li kienu hemm għal-laqgħa tal-bieraħ. Njh njh njh.

Wara l-laqgħat (li DAMU mill-17:00 sat-20:30) bqajna siegħa overtime naqsmu l-kartonċin. Ma fhimtx eżatt il-għala…

Qbiżt qabża sal-kappella – veru sabiħa, kważi kulljum qed immur fti hemm – u wara ġejt ‘l hawn għax kelli ġuħ ta’ kelb u għejja ta’… ehm… żiemel (?)

-364 - il santo del giorno: San Antonio Maria de Zaccaria, MD

Il-qaddis tal-lum huwa karattru interessanti. Taljan (hmmm), li qabel sar saċerdot studja l-mediċina u sar tabib. Interessanti. Donnu għandu xi xebħ ma’ wieħed nafu li qabel daħal is-seminarju għamel kors fl-Università… Il-mestier tiegħu mal-fqar ta’ Cremona wasslu biex jagħraf is-sejħa li kien qed jagħmillu Alla. Sar sacerdot u waqqaf il-Barnabiti (boq) u miet ftit wara, ta’ 37 sena.

“Dak li Alla jikkmanda jidher tqil u piż żejjed. It-triq hija mħarbta, faċli tinġibed lura u ma jkollok l-ebda ħajra tkompli. Imma, ngħidlek, kompli f’dik it-triq u tirbaħ il-glorja.”

S. Anton M. de Zaccaria

Abbatini u żgħażagħ

Illum kelli l-ewwel laqgħat formali fil-parroċċa, ċioè tajt l-ewwel laqgħat formali. L-ewwel kienet ma’ l-abbatini u l-oħra maż-żgħażagħ. L-abbatini veru grupp ħelu, u Alla jbierek veru ma joqgħodux lura milli jistaqsu u jipparteċipaw! (Ok kultant isaqsu l-istess affarijiet, but…)
Iż-żgħażagħ storja oħra. Il-laqgħa għamilnieha forma ta’ prayer meeting u t-tema kienet il-qrar u l-maħfra tad-dnubiet. Ma tantx wieġbu għall-mistoqsijiet, imma qgħadu attentissmi. Ma kienx hemm ħoss waqt il-laqgħa u wara dak li jmexxi qalli li kienet tajba ħafna – grazzi lil kull min qal xi talba wara li qara l-blog ta’ nhar it-Tnejn.
Meta ġejt lura d-dar sibt li d-desk tiegħi għandu okkupant ġdid li jieħu naqra spazju sew… avolja jekk jibqa’ jżomm il-post li ħa (u d-desk jibqa’ vojt, that is) m’għandux itellifni żżejjed… sakemm ma niddeċidix li nagħmel stuffat.

-365: la sainte du jour: HRH Santa Eliżabetta tal-Portugall, ofm

Il-qaddisa tal-lum l-aktar li hija magħrufa għall-ħidma li għamlet biex iġġib il-paċi fost il-membri tal-familja tagħha. J’Alla fuq l-eżempju tagħha, aħna wkoll naħdmu bla heda biex inġibu l-paċi kull fejn inkunu.

-366 Il-qaddis tal-ġurnata – San Tumas, Appostlu

Bħal-lum sena jien u sħabi niġu ordnati saċerdoti. Għalhekk se nibda kulljum nagħmel il-countdown billi nġib stampa tal-qaddis tal-jum u nieħu spunt żgħir minn kliemu jew ħajtu bħala ħsieb tal-ġurnata. (Ovvjament ġranet ta’ rtir jew meta nkun imsiefer ikolli naqbiżhom, sowwy.)

“Mulej tiegħi u Alla tiegħi!”

San Tumas huwa wieħed minn dawk il-qaddisin “imperfetti” li grazzi għall-eżempju tagħhom nafu li anke aħna, dgħajfin u midinbin, nistgħu naslu għall-perfezzjoni fi Kristu!

It-tieni ġurnata f’Ħ’Attard…

Il-bieraħ ittrinajt fil-quddies tal-parroċċa (barra l-quddies ta’ l-Ordinazzjoni fil-għaxija) – naraw la nqaddes inkomplix bil-vizzji ħżiena!! Imma ħadt pjaċir.

Dalgħodu għamilt nofs ta’ nhar nagħti mal-kamra tiegħi sakemm irnexxieli nġibha fi stat abitabbli. Wara diversi xhur irnexxieli nerġa’ nikxef il-wiċċ tad-desk u l-wiċċ tas-sodda ż-żejda. Tiskanta – il-kulur tagħhom minn żmien għall-ieħor ninsih, tant ikun hemm imbarazz fuqhom. Issa, la l-pc tfajtu fuq, irrid li d-desk jibqa’ VOJT. Ħa.

Wara nofs inhar bdejt maratona. L-ewwel kelli laqgħa mal-kappillan dwar il-gruppi li hemm fil-parroċċa. Ħawwadli l-wires – naħseb li hemm mal-35 grupp! Il-focus se jkun l-aktar fuq iż-żgħażagħ, barra mis-Summer Club, ovvjament. Imbagħad il-kapo ħadni nawra bil-karozza biex nara l-konfini – OMG! Ma kontx naħseb li r-raħal hu hekk kbir.

Wara dan mort sa l-Università għall-ewwel laqgħa tal-KPS. Kont l-ewwel li tajthom ir-rapport tal-ħidma tas-sena ta’ l-Għaqda tagħna. Warajja kien hemm il-Graffiti. Konnha numru tajjeb, u peress li mar id-dawl għamilna l-laqgħa barra, fl-Atriju Vassalli. Kien hemm koċċ kummenti VOJTA minn membri ġodda. Għamilt hemm sas-19:15 għax wara kelli laqgħa oħra.

Ġirja lura sa Ħ’Attard – fit-triq waqaft nara lil wieħed sieħbi, imma ma kienx hemm. Grumble grumble.

Mort għall-ewwel laqgħa ta’ evalwazzjoni ma’ nofs il-gruppi – ma domniex bħall-KPP tal-ġimgħa l-oħra. Imbagħad lura għall-uffiċċju biex nifformulaw programm għal din il-ġimgħa. Tkellimt ftit mas-segretarja tal-KPP. Nhar l-Erbgħa suppost kelli mmur ċerimonier ma’ l-Arċisqof, imma se jmur iċ-ċerimonier uffiċċjali, so aċċettajt li nagħmel prayer meeting għaż-żgħażagħ. Min qiegħed jaqra’ għandu l-mandat biex jgħid talba għalija. :)

Wara qgħadna fuq iz-zuntier nitkellmu fuq il-ġimgħa li ġejja. Bad idea. Very. L-ewwel ġie jkellimna anzjan mir-raħal, imbagħad ġejna assaliti minn grupp nisa – naħseb tal-Grupp Sant’Anna 60+. Imbagħad kienet għaddejja Lily (k/a Lela) u waqfet tgħidli li spiss qed tkun lejn Ħ’Attard, li Doris sejra bil-Logos (ir-rivista ta’ l-Għaqda Studenti tat-Teoloġija) tagħha Leuwen u li hi qed ixxerred id-devozzjoni lejn dan il-blog. O. Imbagħad, meta ppruvajna nerġgħu mmiddu rasna għax-xogħol nisma’ koċċ daħk u nara lil oħti quddiemi. Waqfet qisha strublata hekk kif ratni quddiemha, poġġut fuq l-għatba tal-knisja. U kien hemm iż-żewġ kantanti l-oħra magħha, waħda suppost qiegħda l-Canada. Wara l-introductions keċċejthom ‘l hemm ħalli nkomplu. Domna sa xid-21:30.

Ġejt lura d-dar u ftakart li kelli stedina għand il-ġara għal party żgħir għar-reverendissimu Dun ħuha, ordnat il-bieraħ. Inħsilt u mort. Qabel ħabbatt kelli d-diċenza nċempillu… u mnalla għax kienu spiċċaw u evitajt li naqa’ waqa’ għaċ-ċajt…

6 ġodda – “fassal ħajtek fuq dak li għandek f’idejk”

Illum l-Arċisqof Pawl Cremona op ordna l-ewwel sitt sacerdoti u l-ewwel djaknu ta’ l-episkopat tiegħu. Kienet okkażjoni veru sabiħa għalina lkoll – l-aktar għax dawn sħabna kienu kors li dejjem konnha magħhom u qrib tagħhom (u r-reliġjużi kienu l-Università magħna), u anke peress li kienet okkażjoni storika għal pajjiżna peress li dawn kienu l-ewwel ordinazzjonijiet ta’ dan l-Arċisqof. Issa li jmiss tagħna!!!!!!
Awguri ħbieb, j’Alla l-motto li għażiltu tibqgħu dejjem iżżommuh quddiem għajnejkom u miktub f’qalbkom. Ad multos annos!

(Ir-ritratti mhux xhi gran che, imma almenu esklussivi!)